| e-texts navigator |
| Wylie |
186a1 དེ་བཞིན་བསྟན་པ་ཡང་།། སྲས་མཆོག་བྱ་རྒོད་གཤོག་ཟུར་ལ།། དར་གྱི་ཅོད་པན་དེ་བཞིན་གདགས།། བར་ཆད་བསལ་བའི་ལས་བྱས་ལ།། དབུས་སུ་བསྙེན་པའི་ཕུར་པ་ལ།། གཙོ་བོའི་ཕུར་པ
186a2 དབུས་སུ་དགོད།། ཤར་གྱི་ཕུར་པ་དེ་བཞིན་བྱ།། དབུས་སུ་དཔལ་གྱི་གཏོར་མ་ནི།། ཁྱད་པར་རྨད་དུ་བྱུང་བར་བྱ།། གདུག་པའི་གཏོར་མ་སྙིང་སྣ་གསུམ།། བསེ་ཕོར་བཤམས་ཏེ་ཤར་དུ་གཞག། རྟེན་ཡང་དེ་བཞིན
186a3 ཤར་དུ་གཞག། མིང་རུས་དབུས་དང་ཤར་དུ་གཞག། དྲག་པོའི་རྩང་གིས་བསྐོར་བར་བྱ།། ཏིང་འཛིན་རིམ་པ་བསྟན་པར་བྱ།། གཞལ་ཡས་གདན་དང་བཅས་པ་རུ།། དབུས་སུ་གཙོ་བོ་རབ་བསྐྱེད་ལ།། ཤར་དུ
186a4 འགུགས་པའི་ལྷ་མཆོག་བསྐྱེད།། སྤྱན་དྲང་རིམ་པ་དེ་བཞིན་ཏེ།། བསྟིམ་དང་མཆོད་པ་མ་ལུས་བྱ།། ཡེ་ཤེས་ལྷ་ལ་བསྙེན་པ་བྱ།། ཤར་གྱི་དེ་བཞིན་ཤེས་པར་གྱིས།། བསྐུལ་ཞིང་བསྟོད་པ་འདི་ལྟ་སྟེ།། ཧཱུཾ་གདུག་པ
186a5 འདུལ་བ་དྲག་པོའི་སྐུ།། སྟོད་ནི་ཞལ་གསུམ་ཕྱག་དྲུག་ལ།། སྨད་ནི་ཟུར་གསུམ་དཔལ་དང་ལྡན།། དཀར་བའི་ཞལ་ལ་དྲག་པོའི་དབྱིབས།། གདུག་པ་འདུལ་བའི་ཕུར་པ་བསྣམས།། ལྕགས་ཀྱུའི་སྟངས་སྟབས་ཕྱག
186a6 རྒྱ་ཅན།། ཁམས་གསུམ་གདར་གཅོད་ཕུར་པ་བསྣམས།། གདུག་པ་ཀླུ་ཡི་འཁོར་རྣམས་འདུལ།། མང་དུ་སྤྲུལ་ཅིང་ལས་ལ་གུས།། གང་ཡིན་འགུགས་པའི་ལས་མཛོད་ཅིག། སྙིང་ཁྲག་རྣམ་གསུམ་སྦྲེང་བྱེད
iiif viewer powered by OpenSeadragon
