| e-texts navigator |
| Wylie |
185b1 དང་དེ་བཞིན་སྦྱར།། དེ་ཉིད་ལས་སུ་རུང་བ་དང་།། གདབ་པའི་ལས་ཉིད་འདི་ལྟ་སྟེ།། གུ་གུལ་དུ་བས་བདུག་བྱས་ཏེ།། དབྲལ་བའི་སྔགས་དང་ཚིག་ཏུ་བཅས།། ཡང་ནས་ཡང་དུ་དེ་བཞིན་བྱ།། ཕོ་ཉ་ལས་རྣམས་དེ
185b2 བཞིན་ཏེ།། གདབ་པའི་སྔགས་གཉིས་སྙིང་ལ་གདབ།། ཐུན་དང་དེ་བཞིན་འཛོམ་པར་བྱས།། མཚོན་དང་དུག་དང་བརྡུང་བ་དང་།། གདབ་དང་བྱང་སེམས་སྔགས་ཀྱིས་བྱ།། མེ་ལ་བསྲེགས་ཏེ་ཕྱེ་མ་དང་།། སོལ
185b3 བས་གཡོགས་པའི་མིང་བྱང་རྣམས།། སྔོན་དམར་དག་གིས་རབ་དཀྲིས་ལ།། ར་ཡི་ཐོད་པའི་ནང་དུ་གཞུག། ལ་བཙས་དག་ལ་རབ་ཏུ་སྦ།། གཏོར་མ་ཚེ་བསྟིམ་བཀྲ་ཤིས་དང་།། དེ་བཞིན་ལས་རྫོགས་རྫོགས་པར
185b4 བྱ། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ལྷ་དང་དཔྲལ་བའི་ལེའུ་སྟེ་བཅོ་བརྒྱད་པའོ།། །། དེ་ནས་བཅོམ་ལྡན་འདས་དྲག་པོ་འགུགས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཆེན་པོ
185b5 གངས་དང་ཤེལ་ལྟ་བུ།། རྒྱལ་པོའི་ཕོ་བྲང་གནས་དག་དང་།། དེ་བཞིན་མཆོད་པའི་ས་ཡོད་པར།། སྒོ་ཡི་ཕྱོགས་ཀྱང་ཤར་དུ་བལྟས།། རྟ་དང་བྱ་ཡི་གཟུགས་ཡོད་པར།། མཎྜལ་མདའ་གང་བྱས་ནས་སུ།། དཀར་པོ
185b6 གསུམ་གྱི་ཁྲག་གིས་བྱུགས།། གྲུ་གསུམ་ཟླ་གམ་མུ་ཁྱུད་བྲི།། མུ་ཁྱུད་དེ་བཞིན་བསྟན་པ་ལ།། དཀར་པོའི་མུ་རན་ཡང་གཅིག་བསྣན།། དབུས་སུ་དཔལ་གྱི་སྙིང་པོ་བྲི།། ཤར་དུ་འགུགས་པའི་སྙིང་པོ་བྲི།། བསྟེན་ཕུར
iiif viewer powered by OpenSeadragon
