| e-texts navigator |
| Wylie |
185a1 ཞིང་།། གདུག་པ་ཅན་རྣམས་ཞབས་ཀྱིས་གནོན།། ཕྱག་གི་ཕུར་པས་ཉོན་མོངས་སྤྱོད།། ཞབས་བཞི་རྫུ་འཕྲུལ་བཞི་དང་ལྡན།། སྤྱན་མིག་གྲུ་གསུམ་དུག་གསུམ་འདུལ།། ཡ་མཚན་ཆེན་པོ་འཕྲུལ
185a2 གྱི་ལྷ།། གདུག་པ་འདུལ་བའི་ལྷ་ལ་ཕྱག་འཚལ་བསྟོད།། ཉོན་མོངས་འཇོམས་པའི་ལྷ་ལ་ཕྱག་འཚལ་བསྟོད།། མེ་དཔུང་ཆེན་པོའི་འོད་ལ་ཕྱག་འཚལ་བསྟོད།། ཧཱུཾ་ཐུགས་ཀྱི་སྤྲུལ་པ་ཅིར་ཡང་སྟོན།། ཡ་མཚན་ཆེན་པོ
185a3 ལྷ་ཡི་ལྷ།། ཁམས་གསུམ་གདུག་པ་འདུལ་བའི་དཔལ།། སྟོང་གསུམ་རྔམས་པ་དྲག་པའི་སྒྲ།། ཡེ་ཤེས་ལྷ་ཡི་སྤྲུལ་པ་སྟེ།། མ་བསྐུལ་དབྱིངས་ནས་བཞེངས་པའི་ལྷ།། མཐིང་ག་འཇིགས་པའི་སྐུ་མདོག་ལ།། ཉོན
185a4 མོངས་འཇོམས་པའི་ཕུར་པ་བསྣམས།། རང་རྟགས་འབྲེལ་པའི་གུ་གུལ་དང་།། ཁམས་གསུམ་གདར་གཅོད་ཕུར་པ་འཛིན།། སྟོད་ནི་ཞལ་གསུམ་ཕྱག་དྲུག་པ།། སྨད་ནི་ཟུར་གསུམ་དཔལ་དང་ལྡན།། འཇིག་རྟེན
185a5 དྲེགས་པ་འདུལ་བའི་ལྷ།། ཐུགས་དམ་ཆེན་པོའི་དབྱིངས་ནས་བསྐུལ།། འཇིག་རྟེན་དྲེགས་པ་ལས་ལ་འཛུད།། ལས་རྣམས་མ་ལུས་འགྲུབ་པ་དང་།། ལྷ་ཡི་ལས་བྱས་དྲེགས་པ་འདུལ།། དྲེགས་པ་སྔགས་ཀྱི་སྦྱོར་བ
185a6 ཡིས།། རན་དང་མཛེས་པར་རབ་སྦྱར་ལ།། མཆོད་པའི་དུས་སུ་ཕུར་པ་གདབ།། དུམ་བུར་གཏུམ་ཅིང་མཆོད་པར་དབུལ།། བསྟོད་ཅིང་བསྐུལ་བ་ཡང་ནས་ཡང་།། ཐུན་རྣམས་ར་ཐོད་ནང་དུ་སྦྱར།། སྙིང་དང་ཁྲག
iiif viewer powered by OpenSeadragon
