| e-texts navigator |
| Wylie |
184b1 གཟུགས་ཀྱང་བྲི།། དབུས་སུ་དཔལ་གྱི་གཏོར་མ་སྟེ།། ཁྱད་པར་ཉིད་དུ་གྱུར་པའོ།། ཤར་གྱི་མུ་རན་ཟླུམ་པོ་ལ།། འཇིག་རྟེན་དྲེགས་པའི་གཏོར་མ་གཞག། རྟེན་དུ་བཅས་པ་མ་ལུས་ཀུན།། ཡང་དག་ཉིད་དུ་བརྗོད
184b2 པར་བྱ།། དབུས་སུ་བསྙེན་པའི་ཕུར་པ་ལ།། མཐིང་ནག་དར་གྱི་ཅོད་པན་གདགས།། ཤར་དུ་སེང་ལྡེང་ཕུར་པ་ལ།། སྙིང་པོ་བྲིས་ལ་ཡང་དག་དགོད།། དབུས་སུ་སྙིང་ཆེན་མ་ཉམས་གཞག། ཤར་དུ་ར་སྙིང་དེ་བཞིན
184b3 གཞག། དབུས་སུ་མིང་བྱང་རུས་སུ་བཅུག། ཤར་དུ་ར་ཡི་སྙིང་ཁྲག་གམ།། ཡང་ན་ར་སོག་གཡས་པ་ལ།། མིང་བྱང་བྲིས་ལ་དེ་བཞིན་གཞག། ཡང་ན་ར་མགོར་མིང་བྱང་བཅུག། རྩང་གིས་བཙུག་ལ་སྔོ་དམར
184b4 བཅིངས།། དྲེགས་པའི་སྙིང་པོ་དེ་བཞིན་བྲི།། རིམ་པས་བསྙེན་པ་དེ་བཞིན་དུ།། ཏིང་འཛིན་རིམ་པས་ཡང་དག་འབྱུང་།། དུར་ཁྲོད་ཆེན་པོའི་གཞལ་ཡས་སུ།། དབུས་སུ་བསྙེན་པའི་ཕུར་པ་དགོད།། ཤར་སྒོར་སྲས
184b5 མཆོག་ཕུར་པ་དགོད།། ཕྱི་རོལ་དྲེགས་པའི་རྫས་རྣམས་དགོད།། བསྒོམ་པའི་རིམ་པ་དེ་བཞིན་ཏེ།། སྤྱན་དྲངས་བསྟིམ་པ་དེ་བཞིན་ཏེ།། བསྙེན་པ་ཡེ་ཤེས་ལྷ་ལ་དབུལ།། འཇིག་རྟེན་དྲེགས་པ་ཞོར་ལ
184b6 འབྱུང་།། བསྟོད་ཅིང་བསྐུལ་ཏེ་ལས་རྣམས་བཅོལ།། ཧཱུཾ་མཐིང་ནག་གྲུ་གསུམ་འབར་བའི་དཀྱིལ་འཁོར་ན།། ཡབ་གཅིག་རྡོ་རྗེ་གཞོན་ནུ་ནི།། སྐུ་ནི་རི་རབ་ཉི་ཟླའི་གཟུགས།། རྔམ་པ་ཆེན་པོའི་ཚེམས་བརྡར
iiif viewer powered by OpenSeadragon
