| e-texts navigator |
| Wylie |
184a1 རྣམས་བྱ།། ཐུན་ཀྱང་དེ་བཞིན་ཤེས་པར་བྱ།། ཕྱི་མ་ལྔ་ཡང་དེ་བཞིན་ཏེ།། རང་རང་ཕོ་ཉ་སྔགས་རྣམས་དང་།། རང་རང་ཐུན་དང་རྫས་རྣམས་དང་།། གསུམ་དུ་སྦྲེལ་བའི་སྔགས་ཉིད་ལ།། ཕུར་པ་རང
184a2 རང་དེ་བཞིན་གདབ།། གཙོ་བོས་སྙིང་ལ་དེ་བཞིན་ཏེ།། འཁོར་རྣམས་ཡན་ལག་རྣམས་ལ་གདབ།། ཡང་ན་སྙིང་ལ་དེ་བཞིན་སྦྱར།། མཚོན་དང་དུག་ཀྱང་དེ་བཞིན་ཏེ།། གདུང་བ་དྲག་པོས་བཏབ་པ་དང་།། བྱང
184a3 ཆུབ་སེམས་དཔའ་རབ་བསྟན་ཏེ།། བྱད་དང་མེ་དང་གནན་པ་དང་།། ཚེ་བསྟིམ་རིམ་པ་སྔགས་ཀྱི་བྱ།། ལས་རྣམས་མ་ལུས་རྫོགས་པར་འགྱུར།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོའི་ལས་བསྟན
184a4 པའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་འདས་གདུག་པ་ལྷ་དང་དབྱེ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དྲག་པོ་ལས་ཀྱི་དོན་བསྟན་པ།། དབྱེ་བའི་ལས་རྣམས་མ་བྱས་ན།། གདུག
184a5 པའི་ལས་རྣམས་རྡུགས་པར་འགྱུར།། དུར་ཁྲོད་དམར་ལ་མཐོ་བ་ལ།། ཤར་གྱི་ཕྱོགས་སུ་སྒོ་བསྟན་པ།། ཉི་མའི་ཟེར་མ་ནང་དུ་འཆར།། དེ་ལྟའི་གནས་དང་ལྡན་པ་དང་།། མཎྜལ་མདའ་གང་བྱས་ནས་སུ།། མི་ཡི་དེ
184a6 བཞིན་རུས་པས་གདབ།། དམར་ཆེན་ཁྲག་གཉིས་རབ་ཏུ་བྱུག། གྲུ་གསུམ་ཟླ་གམ་མུ་ཁྱུད་བྲི།། མུ་ཁྱུད་དུར་ཁྲོད་བརྩིག་པ་ལ།། ཤར་དུ་བསྟན་པའི་སྒོ་གནས་པའོ།། དེ་ཡི་ཕྱི་རིམ་ཟླུམ་པོ་ལ།། དམར་པོ་བྱས་ཏེ
iiif viewer powered by OpenSeadragon
