| e-texts navigator |
| Wylie |
182b1 གཉིས།། ཉུང་དཀར་ཉིད་དུ་བཅས་པ་དང་།། དར་གྱི་ཅོད་པན་ལྔ་བཏག་པ།། གཙོ་བོ་ཉིད་ལ་དེ་བཞིན་བཤམ།། ལྷ་དྲུག་ཕུར་བུ་ཐུགས་ཀྱི་མཆོག། ལྷ་རུ་དབང་སྡུད་ལས་ལ་འགྱེད།། སེང་ལྡེང་ཕུར་བུ་སོར་བརྒྱད
182b2 ནི།། རྫུ་འཕྲུལ་སྟོན་ཅིང་ནུས་པ་ཅན།། དེ་ཡིས་ལྷ་དཔྲལ་ལས་རྣམས་བྱེད།། བྱ་རྒོད་གཤོག་ཕུར་ཞི་བ་སྟེ།། གདུག་པ་ཀླུ་རྣམས་ཞི་བར་བྱེད།། གསེར་རམ་སེར་པོ་རྒྱས་པ་སྟེ།། ཚེ་དང་དབང་ཐང་རྒྱས
182b3 པར་བྱེད།། ཟངས་སམ་ལྗོན་དམར་མཆོག་ཕུར་ཡང་། ཁམས་གསུམ་དབང་དུ་སྡུད་པས་ན།། ལྕགས་སམ་ལྗོན་ཤིང་སྒྲོལ་མའི་རྫས།། ཙནྡན་རྒྱ་ཤུག་གཟི་བྱིན་མྱུར་དུ་སྡུད་པའི་རྫས།། རྫས་དྲུག་དེ་བཞིན་ལས་རྣམས
182b4 བྱ།། བར་ཆད་བསལ་བའི་ལས་རྣམས་བྱ།། དང་པོ་སྟོང་པའི་རང་བཞིན་ལས།། ཧཱུཾ་དང་རྡོ་རྗེ་སྔགས་ཀྱིས་བསྐྱེད།། སྙན་གསན་སྤྱན་དྲངས་བསྟིམ་པར་བྱ།། མཆོད་པ་བསྟོད་པ་མ་ལུས་ཀུན།། ཡང་དག་ཉིད་དུ་དེ
182b5 བཞིན་སྦྱར།། དབུས་སུ་སེང་ལྡེང་ཕུར་པ་དགོད།། སྟེང་དུ་འདུལ་བ་ནམ་མཁའ་སྟེ།། སྟེང་ལ་སོགས་པ་ཕུར་བུ་དྲུག། རིམ་པ་བཞིན་དུ་དགོད་པར་བྱ།། སྟེང་དུ་གུ་གུལ་རྫས་རྣམས་གཞག། ཤར་དུ་ལྕགས་ཀྱུ་ཉུང
182b6 དཀར་བཞག། ལྷོ་རུ་ཞགས་པ་སྔོན་དམར་གཞག། ནུབ་ཏུ་དུག་རྫས་མང་དུ་གཞག། བྱང་དུ་རལ་གྲི་ཐོ་བ་གཞག། འོག་ཏུ་མིང་དང་རུས་སུ་བཅས།། ཏིང་འཛིན་རིམ་པ་བསྒོམ་པས་སྟེ།། དབུས་སུ་དཔལ་གྱི་གཏོར
iiif viewer powered by OpenSeadragon
