| e-texts navigator |
| Wylie |
182a1 གནས།། བསྟན་པ་རང་བྱུང་རང་ལ་གནས།། སངས་རྒྱས་རང་བྱུང་རང་ལ་གནས།། སེམས་ཅན་རང་བྱུང་རང་ལ་གནས།། སྡུག་བསྔལ་རང་བྱུང་རང་ལ་གནས།། ཞེ་སྡང་རང་བྱུང་རང་ལ
182a2 གནས།། སེར་སྣ་རང་བྱུང་རང་ལ་གནས།། གཏི་མུག་རང་བྱུང་རང་ལ་གནས།། འདོད་ཆགས་རང་བྱུང་རང་ལ་གནས།། ཕྲག་དོག་རང་བྱུང་རང་ལ་གནས།། ལེ་ལོ་རང་བྱུང་རང་ལ་གནས།། རྩ་བ་བྱང་ཆུབ་སེམས
182a3 ཉིད་ལ།། འབྲས་བུ་མི་མཐུན་སོ་སོར་སྣང་།། ཨེ་མ་ཡ་མཚན་ཆོ་འཕྲུལ་ཅན།། གཅིག་ལས་གྲངས་མེད་བརྗོད་ལས་འདས།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་ལས་ཀྱི་རིམ་པའི་ལེའུ་སྟེ་བཅུ་དྲུག
182a4 པའོ།། །། དེ་ནས་བཅོམ་ལྡན་འདས་དྲག་པོ་སྒྲོལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྟོན་པ་ཆེན་པོའི་བྱིན་རླབས་ལས།། བྱིན་རླབས་ཆོ་འཕྲུལ་འདི་ལྟ་སྟེ།། ཇི་ལྟར་སྒྲོལ་བའི་གནས་ཆེན
182a5 དུ།། མཎྜལ་མདའ་གང་གྲུ་བཞི་ལ།། དམ་རྫས་འདི་ལྔས་ལས་བྱ་ཞིང་།། འཁོར་ལོ་རྩིབས་དྲུག་དཀྱིལ་འཁོར་བྲི།། ལྷ་ཡི་གནས་སུ་ཨེ་རེ་བྲི།། ཤར་གྱི་ལྷ་ཡི་སྒོ་བསྲུང་བྱ།། མུ་ཁྱུད་ཐོད་པའི་བརྩིག་པ་བྱ།། རིན་པོ་ཆེ
182a6 ཡི་འོད་དང་བཅས།། དབྱེ་བའི་རྫས་དང་འགུགས་པའི་རྫས།། བཅིང་བའི་རྫས་དང་སྨྱོ་བའི་རྫས།། བསྒྲལ་བའི་རྫས་དང་བསྟབ་པའི་རྫས།། རྫས་དྲུག་དྲག་པོ་ལས་ཀྱི་རྫས།། སེང་ལྡེང་ཕུར་བུ་སོར་བཅུ
iiif viewer powered by OpenSeadragon
