| e-texts navigator |
| Wylie |
181b1 ལ་མི་ཕེབས་རྒྱུད་ཉིད་ལ།། བྱ་བཙལ་མེད་པའི་དོན་མི་འབྱུང་།། སྲིན་བུ་བལ་དུ་གཏུམས་པ་འདྲ།། གྲོལ་བའི་དོན་རྣམས་ཡོངས་མི་འབྱུང་།། རྒྱུད་ཀྱི་རང་བཞིན་མང་བ་སྟེ།། ཚང་བར་བྱེད་དེ་འཁྲུགས་པར
181b2 འབྱུང་།། ཡོད་པར་འབྱུང་སྟེ་རང་རྒྱུད་མེད།། མེད་པ་ལྟ་བུ་ཆད་པ་མེད།། ཀུན་ཏུ་བཟང་པོའི་ངང་ཉིད་ལས།། རྒྱུད་རྣམས་ཐམས་ཅད་སྟོན་པར་བྱེད།། གྲངས་མེད་བརྗོད་ཀྱིས་མི་ལང་བའི།། གསལ་ལ་རྟོག་མེད་རྒྱུད
181b3 རྣམས་འབྱུང་།། ལྷ་དང་རྒྱུད་དུ་ཆགས་པ་ལ།། བསྟན་པ་དོན་མེད་ཡལ་བར་འགྱུར།། རྒྱུད་ཀྱི་ཤེས་པ་འཛིན་པ་གྲོལ།། ལྷས་ཀྱང་དེ་བཞིན་ས་ཉིད་བྲལ།། ལྷ་ཉིད་མ་ངེས་ངོས་བཟུང་བྲལ།། རང་རྒྱུད་འཛིན་པའི་ལྷ
181b4 རྣམས་ནི།། དཔེར་ན་མེ་ལོང་གཟུགས་བརྙན་ཏེ།། ངེས་པ་ཅན་དུ་གྱུར་པས་ན།། གང་གིས་བལྟ་བ་དེ་མི་མཐོང་།། དེ་བཞིན་ལྷ་ཡི་རང་བཞིན་ཡང་།། ངེས་པ་ཅན་དུ་གྱུར་པས་ན།། གཅིག་ལས་གཉིས་སུ་བསྒོམ་མི
181b5 ནུས།། བསྒོམས་པས་རང་རྒྱུད་གྲོལ་མི་ནུས།། མཆོད་པ་རང་གྲོལ་མ་ཤེས་ན།། གསོལ་དང་མི་གསོལ་ངོས་བཟུང་བྲལ།། མཆོད་པ་རྒྱ་མཚོ་རྒྱ་ཆེན་ཡང་།། ཏིང་འཛིན་ཆེན་པོའི་ཆོ་འཕྲུལ་ཡིན།། སྤྱན་དྲངས་དོན་ཡང
181b6 དེ་བཞིན་དེར།། གཤེགས་ལ་བྱོན་པའི་རང་བཞིན་ཡང་།། ངེས་པར་གཟུང་ཞིང་རང་རྒྱུད་མིན།། སྟོན་པ་རང་བྱུང་རང་ལ་གནས།། སྡུད་པ་རང་བྱུང་རང་ལ་གནས།། འཁོར་རྣམས་རང་བྱུང་རང་ལ
iiif viewer powered by OpenSeadragon
