| e-texts navigator |
| Wylie |
179b1 པར་རབ་བསྟན་ནས།། རྟགས་དང་སྦྱར་བ་དེ་བཞིན་ཏེ།། གསལ་རྐྱེན་འཁྲུལ་པ་མེད་པར་བཟླས།། རིག་འཛིན་ས་ལ་དེ་བཞིན་འགྲོ།། དབུགས་དང་སྦྱར་ཞིང་འཕྲོ་འདུ་བྱ།། རིང་ཐུང་ཚད་དང་ལྡན་པ་དང་།། བརྟན
179b2 པའི་ཚད་དང་ལྡན་པར་བྱ།། བརྟན་པའི་ཉམས་ནི་རྣམ་པ་གསུམ།། གྲུབ་པའི་ཚད་ནི་རྣམ་པ་ལྔ།། དེ་བཞིན་ལས་སུ་རུང་བ་ཡིས།། འགྲོ་བའི་དོན་རྣམས་ནུས་པར་འགྱུར།། རྣམ་པ་གཉིས་ཀྱི་དོན་བྱས་ནས།། ཡང
179b3 དག་འབྲས་བུ་ཆུད་མི་ཟ།། དྲག་པོ་སྒྲོལ་བའི་དུས་ཉིད་དུ།། ལས་རྣམས་དེ་བཞིན་ཡང་དག་བྱ།། དམ་ཚིག་ཆེན་པོའི་དུས་ལ་བབ།། སྤྲུལ་པ་ཆེན་པོའི་དུས་ལ་བབ།། ཕྱག་བརྙན་ཆེན་པོའི་དུས་ལ་བབ།། ཤྭ་ན་མུ་ཁའི
179b4 དུས་ལ་བབ།། བདག་ཉིད་ཆེན་པོའི་དུས་ལ་བབ།། ས་བདག་རྒྱལ་མོའི་དུས་ལ་བབ།། ཁྱོད་ཀྱི་དམ་ཚིག་དུས་ལ་བབ།། སྔོན་ཆད་ཇི་ལྟར་དམ་བཅས་བཞིན།། མངོན་སྤྱོད་ཕྲིན་ལས་མྱུར་དུ་མཛོད།། བྱང་ཆུབ་མཆོག
179b5 ཏུ་སེམས་བསྐྱེད་ཅིང་།། དུས་གསུམ་རྒྱལ་བའི་གདུང་འཚོབ་པའི།། རིག་འཛིན་བདག་ཅག་རྣམས་ལ་ཡང་།། གནོད་ཅིང་གདུག་པའི་དགྲ་དང་བགེགས།། བདུད་དང་བར་དུ་གཅོད་པ་ཡིས།། དངོས་གྲུབ་འཕྲོག་ཅིང
179b6 འཚེ་བ་རྣམས།། ཁྲོ་བོ་ཆེན་པོའི་བྱིན་རླབས་ཀྱིས།། ཡུད་ཙམ་གྱིས་ནི་འདིར་བཀུག་སྟེ།། མངོན་སྤྱོད་ཚུལ་བཞིན་བསྒྲལ་བ་དང་།། ལུས་ངག་རྡུལ་དུ་བཤིགས་ནས་ཀྱང་།། སྡུག་བསྔལ་ཉམས་སུ་མྱོང་བར་མཛོད།།
iiif viewer powered by OpenSeadragon
