| e-texts navigator |
| Wylie |
179a1 ལུས་ཚོགས་པར་བསག། བྱ་བའི་རིམ་པ་མ་ལུས་པ།། ཡང་དག་ཉིད་དུ་དེར་བསྟན་ནས།། སྔོན་དུ་དེ་བཞིན་རྫོགས་བྱས་ལ།། ལྷ་རྣམས་རབ་ཏུ་གནས་པ་ཡིན།། ལས་ཀྱི་ལྷ་ཡི་ཏིང་འཛིན་གྱིས།། གོང་དུ
179a2 བསྟན་པ་དེ་བཞིན་བྱ།། གདུག་པ་བསྒྲལ་བའི་རྫས་རྣམས་བཤམས།། བསྲེག་དང་མནན་དང་འཕང་བ་དང་།། བསྒྲལ་བ་གནན་པ་ཡང་དག་བྱ།། ཏིང་འཛིན་ཆེན་པོའི་བྱིན་རླབས་ལས།། ལྷ་རྣམས་བསྐྱེད་པ་དེ
179a3 བཞིན་བྱ།། རྡོ་རྗེ་ཁྲོས་པས་ཞེ་སྡང་གཅོད།། མཚོན་ཆ་སྔོན་པོ་འབར་བ་ཡིས།། ནམ་མཁའི་དཀྱིལ་ནས་ཐིགས་པར་ཤར།། སྲོག་གི་གོ་རུ་ཤར་བ་དང་།། སྙིང་གི་དཀྱིལ་དུ་བསྒོམ་པར་བྱ།། ཕུང་པོ་རྡོ་རྗེར་གཏམས
179a4 བྱས་ནས།། རྣམ་པར་ཤེས་པ་རྡོ་རྗེར་བསྒོམ། ཁྲོ་བོ་ཁྲོ་མོ་རྔམས་པའི་ཚོགས།། བསྐྱེད་པའི་སྔགས་ཀྱིས་དེ་བཞིན་བྱ།། གདུག་པ་འདུལ་བའི་སྲས་རྣམས་བསྐྱེད།། སྲིད་པའི་ཕུར་བུ་བསྒྲུབ་པ་དང་།། དབང་དང་དངོས
179a5 གྲུབ་བླང་བའི་ཕྱིར།། ཡེ་ཤེས་ཁྲོ་བོའི་གཤེགས་སུ་གསོལ།། ཁྲོ་བོ་ཆེན་པོ་གཤེགས་ནས་ཀྱང་།། རྟགས་དང་མཚན་མ་བསྟན་པ་དང་།། ཀཱི་ལ་ཡ་ཡི་དངོས་གྲུབ་སྩོལ།། མཆོད་པ་འབུལ་ཞིང་དངོས་གྲུབ་དང་།། ལས
179a6 བཞིས་བསྡམ་དང་བཅིང་བ་དང་།། གཅིག་གིས་གདབ་དང་མཚོན་དང་དུག། བརྡུང་དང་བསྟབ་པ་སྔགས་ཀྱིས་བྱ།། བསྐུལ་ཞིང་ལྷ་ལ་བསྙེན་མཆོད་འབུལ།། ལྷ་རྣམས་མཆོད་ཕྱིར་གདུག་པ་བསྒྲལ།། དེ་དང་མཐུན
iiif viewer powered by OpenSeadragon
