| e-texts navigator |
| Wylie |
178b1 བསྟིམ་པ་དང་།། མཆོད་དང་བསྟོད་དང་དེ་བཞིན་བྱ།། ཕྱིན་ཆད་འགྲོ་བའི་དོན་བྱའི་ཕྱིར།། འགྲོ་བའི་དོན་ལ་བསྐུལ་བར་བྱ།། རྒྱལ་པོ་དམངས་སུ་མི་དབབ་པར།། སྐུ་གདུང་ཆེན་པོ་དེ་བཞིན་བཞེངས།། བློན་པོ་དེད
178b2 དཔོན་ཆེན་པོ་ལ།། སྨན་ལྔ་སྤོས་ལྔ་རབ་སྦྱར་ལ།། རྣམ་པར་སྣང་མཛད་རྡོ་རྗེ་སེམས།། རྣམ་པ་གསུམ་ལས་ཡང་དག་བྱུང་།། རྫས་ནི་རིན་ཆེན་རྣམ་ལྔ་ལ།། སྣོད་ནི་བདེ་གཤེགས་ཕོ་བྲང་སྟེ།། བརྡབས་པས་ལོངས་སྐུ
178b3 ཡང་དག་འབྱུང་།། ཕྱུང་བས་སྦྲུལ་སྐུ་བསམ་མི་ཁྱབ།། རབ་གནས་ཆེན་པོ་དེ་བཞིན་ཏེ།། འགྲོ་བ་མ་ལུས་ཐལ་བ་ལ།། པ་ཡི་རྣམ་ལྔ་རབ་སྦྱར་བ།། ས་ལ་དེ་བཞིན་རབ་སྦྱར་ཏེ།། དུས་གསུམ་བདེ་གཤེགས་བཞེངས
178b4 པར་བསམ།། མེ་ཏོག་ལ་སོགས་ལྔ་ཡིས་མཆོད།། རྒྱལ་བ་སྐུལ་བའི་གསོལ་བ་གདབ།། བརྡབས་པས་འགྲོ་བའི་དོན་ཉིད་དུ།། ཉོན་མོངས་མ་ལུས་དག་པར་འགྱུར།། གང་བྱེད་འབྲེལ་པ་ཡོད་པར་བྱ།། འབྲེལ་པ
178b5 མེད་པར་བྱེད་པ་ནི།། རྒྱལ་པོ་དམངས་སུ་ཡོངས་མི་རུང་།། ནོར་བུས་རྒྱལ་ས་ཟིན་མི་འགྱུར།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ཐལ་བ་ཆེན་པོ་སྒྲུབ་པའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ
178b6 ལྡན་འདས་དྲག་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ཕུར་པས་གདུག་པ་འདུལ།། དུར་ཁྲོད་ཆེན་པོའི་གནས་དག་ཏུ།། མཎྜལ་མདའ་གང་གྲུ་བཞི་ལ།། ཐིག་དང་ཚོན་ཡང་དེ་བཞིན་ཏེ།། རྫས་རྣམས་མ
iiif viewer powered by OpenSeadragon
