| e-texts navigator |
| Wylie |
178a1 ཡང་དག་གྱུར།། གདུག་པ་ཐབས་དང་ཤེས་རབ་གཉིས།། བརྡབས་པས་བྱང་སེམས་མཁའ་ལ་བབས།། དེ་ཉིད་གཙོ་སྔགས་བརྗོད་བྱས་ལ།། ཡེ་ཤེས་ལྔ་ཡི་ངོ་བོར་གྱུར།། སྟོང་ཁམས་ཁྱབ་པའི་སྐུ་བྱུང
178a2 ཡང་།། སྣང་ལ་རང་བཞིན་མེད་པར་གྱུར།། དགོངས་པ་དག་པས་བྱས་གྱུར་ན།། སྐུ་གསུམ་རིམ་གྱིས་དོན་བྱས་ནས།། བསྐྱེད་དང་བསྟིམ་དང་སྤྱན་དྲང་དང་།། བསྟོད་པ་བྱ་དང་མཆོད་པ་བྱ།། རིན་ཆེན་སྣ་ལྔས་རབ
178a3 མཚོན་ཏེ།། ཐམས་ཅད་གཙོ་བོའི་སྔགས་ལས་བྱུང་།། མཆོད་པའི་སྔགས་ཀྱང་དེ་བཞིན་ཏེ།། ཡང་དང་ཡང་དུ་བྱས་པ་ནི།། རབ་གནས་ཆེན་པོ་ཞེས་ཀྱང་བྱ།། ཀུན་ལ་བྱ་བར་དེ་མ་གསུངས།། ཐལ་བ་ཆེན་པོ་བསྒྲུབ
178a4 པར་བྱ།། རྣལ་འབྱོར་ཆེན་པོ་ཐལ་བ་ལ།། ཕྱི་ནང་གསང་བའི་དམ་རྫས་ལ།། གཉིས་སུ་མེད་པར་སྦྱར་བར་བྱ།། ཞུན་ཆེན་ཁུ་བ་མང་དུ་བཏང་།། སྟོང་པ་ཧཱུཾ་དང་རྡོ་རྗེ་ཡི།། སྔགས་ཀྱིས་ལོངས་སྤྱོད་རྫོགས་པར
178a5 གྱུར།། འཕྲོ་འདུས་དེ་བཞིན་ཐིམ་པར་གྱུར།། ཐིམ་པས་དེ་ཉིད་འོད་དུ་ཞུ།། ཅི་བསམ་འབྱུང་བའི་རིན་པོ་ཆེ།། མང་ཞིང་ཟད་པ་མེད་པར་གྱུར།། སྣོད་ནི་བྷྲཱུཾ་ལས་དེ་བཞིན་དུ།། བསྐྱེད་པས་དཔལ་གྱི་སྐུར་བཞེངས
178a6 གྱུར།། སྣོད་དུ་བཅུག་པས་སྐུ་རུ་གྱུར།། བརྡབས་པས་ཐབས་དང་ཤེས་རབ་འབྱུང་།། བྱང་ཆུབ་སེམས་ཀྱི་རང་བཞིན་ལས།། འགྲོ་བའི་དོན་བྱེད་སྐུ་རུ་གྱུར།། དེ་ཡི་བྱིན་རླབས་ནུས་པ་ཅན།། བསྐྱེད་དང་སྤྱན་དྲང
iiif viewer powered by OpenSeadragon
