| e-texts navigator |
| Wylie |
177b1 ཡིན།། བརྩེ་བས་དུས་གསུམ་མི་འགྱུར་བ།། འདི་ཡང་བསྲུང་བའི་དམ་ཚིག་ཡིན།། དོན་དམ་པ་ཡི་ངང་ཉིད་ལས།། ཕྱོགས་རིས་བདག་གཞན་མི་འབྱེད་ན།། འདི་ཡང་བསྲུང་བའི་རིམ་པ་ཡིན།། བསྲུང་བའི་རིམ་པ
177b2 གང་ཡིན་པ།། མི་སྤང་རབ་ཏུ་བསྲུང་བར་བྱ།། དམ་ཚིག་གཉེན་པོ་ཉམས་པ་ཡང་།། ལྷ་སྤངས་ཉམས་པ་ཆེན་པོ་དང་།། སྔགས་དང་ཕྱག་རྒྱས་ཉམས་ཏེ་ཉམས་པ་དང་།། དྲན་རྟོག་ལྷ་རུ་མ་རྟོགས་ཉམས་པ
177b3 དང་།། གསལ་ལ་འཛིན་མེད་མ་བསྒོམས་ཉམས་པ་དང་།། གཉེན་པའི་རིམ་པ་མ་ཁུར་སྤངས་པ་དང་།། བརྩེ་བའི་རིམ་པ་རྒྱུན་བཅད་སྤངས་པ་དང་།། གཟུངས་མ་མཚན་ལྡན་སྤངས་པ་དང་།། འདི་རྣམས་ཉམས
177b4 པའི་རང་བཞིན་ཡིན།། རྩ་བའི་དམ་ཚིག་ཉམས་པ་ན།། རྡོ་རྗེ་དམྱལ་བར་སྐྱེ་བར་འགྱུར།། འདིར་ཡང་ཉེས་པ་སྣ་བཅུ་འོང་།། བྱས་པ་མི་འགྲུབ་མྱ་ངན་ནོན།། དེ་ཡང་ཉམས་པའི་སྔ་རྟགས་ཡིན།། རྩ་བ་ཉམས་པའི
177b5 སྔ་རྟགས་ནི།། སྣ་ནས་ཁྲག་ཕྱུང་ངོ་བྱུག་ནས།། རྔ་སྒྲ་དྲག་པོས་བྷྱོས་འདེབས་ཤིང་།། ང་ནི་ཐམས་ཅད་ཆེ་བའི་ལྷ།། དབང་དུ་སྡུད་པ་ང་ལས་མེད།། ང་ཡིས་མི་འདུལ་གང་ཡང་མེད།། ཐམས་ཅད་ཀུན་ལ་ང་ཆེ
177b6 འབྱུང་།། ལྷ་སྲིན་སྡེ་བརྒྱད་ང་ཡི་བྲན།། ང་ཡི་ཉམས་སུ་ཆོས་སྐུ་འབྱུང་།། མེ་ལོང་ཡེ་ཤེས་ལུང་ཡང་བསྟན།། འདི་ཡང་ཉམས་པའི་སྔ་རྟགས་ཡིན།། ནམ་མཁའ་ཁེངས་པའི་ལྷ་རྣམས་ཀྱང་།། གཞན་ཡང་ང་ཆེ་ལུང
iiif viewer powered by OpenSeadragon
