| e-texts navigator |
| Wylie |
176b1 པོ་དང་།། བསྲུང་བའི་དམ་ཚིག་འགྱུར་བ་མེད།། ཏིང་འཛིན་དམ་ཚིག་བསྲུང་བའི་མཆོག། རྩ་བ་ཡན་ལག་དམ་ཚིག་ལས།། མི་སྤང་རབ་ཏུ་བསྲུང་བར་བྱ།། སྤྱོད་པའི་དམ་ཚིག་ཆེན་པོ་དང་།། བསྡམ་པར་བྱ་བའི
176b2 དམ་ཚིག་རྣམས།། ཟོལ་ཟོག་མེད་པར་བསྲུང་བར་བྱ།། རྡོ་རྗེ་སློབ་དཔོན་དཔལ་དུ་ཆེ།། འདྲེན་པའི་སློབ་དཔོན་ཆེན་པོ་དང་།། རྩ་བའི་སློབ་དཔོན་ཆེན་པོ་དང་།། དམ་ཚིག་དབང་གི་སློབ་དཔོན་དང་།། མན་ངག
176b3 ལུང་གི་སློབ་དཔོན་དང་།། ཤེས་རྒྱུད་གྲོལ་བའི་སློབ་དཔོན་དང་།། བསྲུང་བ་གྲངས་ཀྱི་ཤེས་པར་གྱིས།། རྩ་བ་ཆད་པར་མ་གྱུར་ན།། བླ་མ་རྟག་ཏུ་བསྐུར་བ་དང་།། ཁེ་དང་གྲགས་པ་མ་ཡིན་པ།། དེ་ཡང་བསྲུང་བའི
176b4 རིམ་པ་ཡིན།། ཕ་ལྟར་བཀུར་ཏེ་བརྩེ་བ་དང་།། ཚིག་ཙམ་ཕྱལ་པ་མ་ཡིན་པ། ཁོང་ནས་གདུང་བ་བསྐྱེད་པ་ནི།། དེ་ཡང་བསྲུང་བའི་རིམ་པ་ཡིན།། དབང་པོའི་མིག་ལྟར་བརྩེ་བ་དང་།། དྲན་པ་རྒྱུན་དུ་སེམས་པ
176b5 དང་།། ལུས་ལ་མི་ཕོངས་སྲོག་མི་ཕོངས།། དེ་ཡང་བསྲུང་བའི་རིམ་པ་ཡིན།། དབུ་ཡི་གཙུག་གི་རིན་ཆེན་ལྟར།། སྐྱོ་བ་མེད་པར་ཁུར་བྱེད་པ།། དེ་ཡང་བསྲུང་བའི་རིམ་པ་ཡིན།། སྙིང་དང་འདྲ་ཞིང་འདྲལ་མི
176b6 ཕོད།། ཇི་ལྟར་ཁྲོ་གཏུམ་གསོད་བྱེད་ཀྱང་།། དེ་ལ་ངན་པའི་སེམས་མི་དབྱུང་།། དེ་ཡང་བསྲུང་བའི་རིམ་པ་ཡིན།། དམ་ཚིག་རྒྱུ་མེད་ཤེལ་སྒོང་འདྲ།། དཀྱིལ་འཁོར་གཉེན་པོ་མི་འདྲལ་ཞིང་།། དམ་ཆོས་གཉེན་པོར
iiif viewer powered by OpenSeadragon
