| e-texts navigator |
| Wylie |
175b1 བསྟིམ་པ་དང་།། མཆོད་པ་མ་ལུས་རྫོགས་པར་བྱ།། གཙོ་བོའི་དབང་དུ་དུར་ཁྲོད་དང་།། ཕན་དང་ནུས་པ་རབ་ཏུ་སྦྱིན།། སྐུ་གསུང་ཐུགས་ལ་རྫོགས་པའི་དབང་།། རེ་རེ་ཉིད་ལ་དེ་བཞིན་བསྐུར།། དུར་ཁྲོད་དབང
175b2 ཡང་དེ་བཞིན་ཏེ།། ཀུན་ལ་རྫོགས་པར་རིམ་པར་བསྐུར།། དྲག་པོས་འདུལ་བའི་ལས་བྱ་ཞིང་།། དྲག་པོའི་དབང་ཡང་རིམ་པར་བསྐུར།། དྲག་པོ་འདུལ་བའི་དབང་ཐོབ་ནས།། ཕྱིན་ཆད་འགྲོ་བའི་དོན་རྣམས
175b3 ནུས།། གཙོ་བོ་ཉིད་ཀྱི་དབང་ཐོབ་ན།། ཅི་བསམ་ལས་རྣམས་འགྲུབ་པར་འགྱུར།། ཧཱུཾ་མཛད་ཆེན་པོའི་དབང་ཐོབ་ན།། ཐོག་དང་སེར་བའི་ལས་རྣམས་འགྲུབ།། རྣམ་པར་རྒྱལ་བའི་དབང་ཐོབ་ན།། སྒྲོ་འབོག་གདོན
175b4 རྣམས་ཐུལ་བར་འགྱུར།། དབྱུག་སྔོན་ཅན་གྱི་དབང་ཐོབ་ན།། ཉོན་མོངས་མེ་ནི་བསྲེག་པར་འགྱུར།། གཤིན་རྗེ་གཤེད་པའི་དབང་ཐོབ་ན།། སྒྲོལ་བ་ཆེན་པོའི་དབང་ཡང་ཐོབ།། མི་གཡོ་མགོན་པོའི་དབང་ཐོབ
175b5 ན།། ཞེ་སྡང་རང་རྒྱུད་གནོན་པར་འགྱུར།། རྟ་མགྲིན་རྒྱལ་པོའི་དབང་ཐོབ་ན། ཁམས་གསུམ་དབང་དུ་སྡུད་པར་འགྱུར།། གཞན་གྱིས་མི་ཐུབ་དབང་ཐོབ་ན།། ཉོན་མོངས་ཤ་མདངས་ཕྱེད་པར
175b6 འགྱུར།། བདུད་རྩི་འཁྱིལ་པའི་དབང་ཐོབ་ན། ཁམས་གསུམ་གདུག་པ་གསོད་པར་འགྱུར། ཁམས་གསུམ་རྣམ་རྒྱལ་དབང་ཐོབ་ན།། གང་ཡིན་དངོས་པོར་འཛིན་པར་འགྱུར།། སྟོབས་པོ་ཆེ་ཡི་དབང་ཐོབ་ན།། འདུལ
iiif viewer powered by OpenSeadragon
