| e-texts navigator |
| Wylie |
175a1 བཞིན་དུ་དགོད་པར་བྱ།། ཏིང་འཛིན་ཆེན་པོའི་བྱིན་རླབས་ཀྱིས།། བསྙེན་པ་ནམ་མཁར་འགྲུབ་པ་ཡང་།། ནུས་པ་ཡོད་ཕྱིར་རབ་ཏུ་བྱ།། བུམ་པ་ནམ་མཁར་ལྡིང་པ་དང་།། ཕུར་པ་འཕར་ཞིང་འཁྲོག་པ
175a2 དང་།། སྐུ་གཟུགས་བཞད་ཅིང་འགུལ་བ་དང་།། དམ་ཅན་མངོན་དུ་ལུང་སྟོན་དང་།། ཤིང་བལ་བཞིན་དུ་ཡང་བ་དང་།། ཅི་ལ་ཐོགས་པ་མེད་པ་དང་།། ནད་རྣམས་ཐམས་ཅད་སེལ་བ་དང་།། སྨན་པའི་མཆོག་ཏུ་གྱུར
175a3 པ་དང་།། རིག་པ་ཁོང་དངས་ཤར་བ་དང་།། སྙིང་རྗེ་ཆེན་པོ་འབྱུང་བ་དང་།། འགྲོ་བ་རིམ་པས་འདུལ་བ་དང་།། བར་ཆད་སེལ་བའི་རྟགས་བྱུང་ན།། བསྙེན་པ་ལས་སུ་རུང་ཞེས་བྱ།། ལས་སུ་རུང་བར་གྱུར་པ
175a4 དང་།། བསྒྲུབ་པ་བྱ་བའི་རིམ་པ་ཡང་།། ཡང་དག་ཉིད་དུ་བསྟེན་པར་བྱ།། ཆེན་པོ་ལས་ཀྱི་རིམ་པ་ནི།། སྲོག་ལུས་རྫས་ཀྱི་འབུལ་བ་ཡིས།། བླ་མ་མཉེས་པར་བྱ་བའི་ཕྱིར།། མཉེས་པའི་ཡོན་ཏན་ཆེན་པོ་ནི།། བསམ
175a5 པ་ཐམས་ཅད་འགྲུབ་པར་འགྱུར།། རིག་འཛིན་ས་ལ་འགྲོ་བ་དང་།། བྱང་ཆུབ་སེམས་དཔའི་ས་ལ་གནས།། འགྲོ་བའི་དོན་རྣམས་མ་ལུས་ནུས།། བསྟན་པ་ཀུན་ལ་ཐོགས་པ་མེད།། དེ་ཕྱིར་དབང་བསྐུར་གསོལ་བ
175a6 གདབ།། བྱིན་རླབས་ཆེན་པོ་ཆར་ལྟར་འབྱུང་།། འགྲོ་བ་ཚིམས་བྱེད་གསོས་བཞིན་དུ།། དབང་གི་བྱིན་རླབས་དེ་བཞིན་དུ།། འགྲོ་བ་གཉིས་ཀྱི་དོན་བྱེད་ནུས།། དག་པ་ཁྲུས་ཀྱིས་བཀྲུ་བྱ་ཞིང་།། ལྷར་བསྐྱེད་སྤྱན་དྲང
iiif viewer powered by OpenSeadragon
