| e-texts navigator |
| Wylie |
174b1 རྟོགས་ན།། ཕྱག་ན་རྡོ་རྗེའི་དབང་རྣམས་བསྐུར་མི་དགོས།། འཁོར་འདས་གཉིས་སུ་མེད་པའི་དོན་རྟོགས་ན།། ལྷ་རྫས་རིམ་པར་བསྐུར་བའི་དབང་མི་དགོས།། ཆོས་ཉིད་ཕུར་པ་རང་བྱུང་དོན་རྟོགས་ན།། རང་བྱུང
174b2 ལྷ་རྣམས་བསྐུར་བའི་དབང་མི་དགོས།། དུར་ཁྲོད་ཆེན་པོའི་གནས་དག་ཏུ།། དབང་དང་དྲག་པོར་ལྡན་པ་ལ།། ནམ་མཁའི་ཁམས་ཀྱང་དེ་བཞིན་ཏེ།། ས་དང་རི་ལ་རབ་ཏུ་བརྟག། ངེས་པ་མེད་པའི་ས་ཉིད
174b3 ལ།། མཎྜལ་འདོམ་གང་གྲུ་བཞི་ལ།། དུར་ཁྲོད་སྣ་ཚོགས་ཕྱེ་མ་གདབ།། དམ་རྫས་ལྔ་ཡིས་ཆག་ཆག་གདབ།། ཐིག་ལེ་རྣམ་པ་གཉིས་སུ་བཤད།། ས་ཐིག་གནམ་ཐིག་གཉིས་སུ་བསྟན།། ལྔ་དང་གསུམ་གྱི་སྦྱོར་བ
174b4 ལ།། གདབ་པའི་རིམ་པ་དེ་བཞིན་བྱ།། ཚོན་སྣ་ལྔ་ཡི་རིམ་པ་ལ།། བསྟན་པའི་དོན་དུ་དེ་བཞིན་བྱ།། གྲུ་གསུམ་ཟླ་གམ་མུ་ཁྱུད་དང་།། འཁོར་ལོ་གྲུ་ཆད་ལྷ་རྣམས་བཅས།། སྒོ་དང་རྟ་བབས་དེ་བཞིན་ཏེ།། མཛེས
174b5 པའི་རྒྱན་དང་མཚོན་པ་བརྟག། བསྲུང་བྱའི་རིམ་པ་ཡང་དག་བྱང་།། དམ་སྲི་མནན་དང་མ་ཏྲང་བསྒྱེལ།། སྒོ་ལ་རིམ་པ་དེ་བཞིན་སྦྱར།། རྫས་རྣམས་དགོད་པ་ཡང་དག་སྟེ།། སྐུ་ཡི་དབང་དང་གསུང་གི
174b6 དབང་།། ཐུགས་ལ་སོགས་པ་དེ་བཞིན་ནོ།། རྫས་ཀྱི་དབང་དང་ཕུར་པའི་དབང་།། ཕན་པའི་དབང་དང་ནུས་པའི་དབང་།། དམ་ཅན་དབང་དང་ལས་བཞིའི་དབང་།། དེ་ལ་སོགས་པའི་དབང་རྣམས་ནི།། རིམ་པ
iiif viewer powered by OpenSeadragon
