| e-texts navigator |
| Wylie |
173b1 འབྱུང་།། རིག་པ་གསལ་བའི་དབང་རྣམས་རྟོགས་གྱུར་ན།། མཁས་པ་ཆེན་པོའི་དབང་རྣམས་ཞོར་ལ་འབྱུང་།། སྟོན་པ་གསལ་བའི་དབང་རྣམས་རྟོགས་གྱུར་ན།། ཕན་དང་ནུས་པའི་དབང་རྣམས་ཞོར་ལ་འབྱུང་།། མ
173b2 རིག་མུན་པ་སེལ་བའི་དབང་རྟོགས་ན།། སྐུ་གསུང་ཐུགས་ཀྱི་དབང་རྣམས་ཞོར་ལ་འབྱུང་།། ཡེ་འབྱམས་བྱང་ཆུབ་སེམས་ཀྱི་དབང་རྟོགས་ན།། དུར་ཁྲོད་རྫས་ཀྱི་དབང་རྣམས་ཞོར་ལ་འབྱུང་།། དོན་དམ་ཆོས་ཉིད
173b3 ཕུར་པའི་དབང་རྟོགས་ན།། གདུག་པ་འདུལ་བའི་དབང་རྣམས་བསྐུར་མི་དགོས།། ཐམས་ཅད་སྣང་བ་བཞི་ཡི་དོན་རྟོགས་ན།། རང་རྒྱུད་དངོས་པོའི་དབང་རྣམས་བསྐུར་མི་དགོས།། རང་བྱུང་ཆེན་པོའི་དབང་རྣམས
173b4 རྟོགས་གྱུར་ན།། དད་པ་དབང་གི་སྟོབས་རྣམས་བསྐུར་མི་དགོས།། སྟོང་པ་ཆེན་པོའི་དབང་རྣམས་རབ་རྟོགས་ན།། སྣང་བ་རྫས་ཀྱི་དབང་རྣམས་བསྐུར་མི་དགོས།། སྡིག་པའི་གཞི་དང་བྲལ་བའི་དབང་རྟོགས
173b5 ན།། བསོད་ནམས་ཆེན་པོའི་དབང་རྣམས་བསྐུར་མི་དགོས།། བསག་པའི་གཞི་དང་བྲལ་བའི་དོན་རྟོགས་ན།། དགེ་བཅུ་བསོད་ནམས་དབང་རྣམས་བསྐུར་མི་དགོས།། བཟང་ངན་བརྟག་ཏུ་མེད་པར་དབང་ཐོབ
173b6 ན། ནན་གྱིས་བརྟགས་པའི་དབང་རྣམས་བསྐུར་མི་དགོས།། ཐིག་ལེ་རང་བཞིན་གནས་པའི་དབང་ཐོབ་ན།། རིམ་པ་གྲངས་ཀྱིས་བསྐུར་བའི་དབང་མི་དགོས།། རང་བྱུང་ཡེ་ཤེས་རང་དབང་ཡེ་རྟོགས་ན།། མར་མེ
iiif viewer powered by OpenSeadragon
