| e-texts navigator |
| Wylie |
172a1 ཆོས་ཉིད་ལ།། གཉིས་སུ་མེད་པའི་རྟོགས་པ་ཆེ།། ཏིང་འཛིན་ས་ཡི་རིམ་པ་ཡིན།། བྱམས་པ་ཆེན་པོའི་བྱིན་རླབས་ལས།། ཆོས་ཉིད་ཕུར་པ་ཅིར་ཡང་སྣང་།། ཀུན་བཟང་ཡབ་ཡུམ་རོལ་པ་ལས།། བདེ་བ
172a2 ཆེན་པོར་ཡང་དག་འབྱུང་།། གནས་པ་ཆེན་པོའི་ཏིང་འཛིན་གྱིས།། ས་རྣམས་རབ་ཏུ་རྫོགས་པའོ།། བྱམས་པ་ཆེན་པོའི་བྱིན་རླབས་ལས།། ཆོས་ཉིད་ཕུར་པ་ཅིར་ཡང་སྣང་།། རྡོ་རྗེ་ཕུར་པའི་ངོ་བོ་སྟེ།། གདུག་པ
172a3 འདུལ་བ་བྱམས་པར་སྣང་།། ཁམས་གསུམ་རྒྱུད་སྦྱོར་བྱམས་པར་སྣང་།། ལོག་པར་སྒྲོལ་བ་བྱམས་པར་སྣང་།། ཡང་དག་བསྟན་པའི་ཕུར་པ་འདི།། དུས་གསུམ་ཀུན་ཏུ་འགྱུར་བ་མེད།། ཐིག་ལེ་ཕུར་པའི་རང་བཞིན
172a4 ལས།། འདུལ་བའི་དབང་དུ་ཅིར་ཡང་སྣང་།། ཤེས་པའི་ཁྱད་པར་རྣམ་དགུ་ཡང་།། དྲང་བའི་ལུང་སྟེ་ཉོན་མོངས་སྦྱོང་།། རང་རིག་རང་གསལ་བལྟ་བའི་དོན།། བཞི་ཡིས་བསྟན་ཏེ་ལྔ་ཡང་རུང་།། ཚད་མེད་སྙིང་རྗེའི
172a5 རིག་པ་དང་།། མཉམ་ཉིད་རིག་པའི་ཐེག་པ་དང་།། ལྷུན་གྲུབ་སྤང་མེད་ཐེག་པ་གང་།། རྡོ་རྗེ་ཕུར་པའི་ཆོས་ཉིད་ཡིན།། བདེ་བ་ཆེན་པོའི་ངང་ཉིད་ལས།། ཡོངས་ལ་དབང་བསྒྱུར་རིན་ཆེན་མཛོད།། རྟོག་པ་ནམ
172a6 མཁའི་རང་བཞིན་ལས།། སྐྱེ་བ་མེད་པར་ཐམས་ཅད་སྐྱེ།། སྤྲིན་དང་ན་བུན་ཁུ་རླངས་དང་།། ཉི་མ་ཟླ་བ་སྐར་མ་དང་།། འབྲུག་དང་གློག་དང་ཐུག་ཆོམ་དང་།། སྲེག་པར་བྱེད་དང་འཕང་བར་བྱེད།། ཐམས
iiif viewer powered by OpenSeadragon
