| e-texts navigator |
| Wylie |
171a1 སྟེ།། སེམས་ཅན་དྲག་པོས་སྒྲོལ་བ་ཡང་།། དྲག་པོ་ཉིད་ཀྱང་དམིགས་དང་བྲལ།། ཡེ་ཤེས་མེ་ཡི་ཁྲོ་བོ་ནི།། སྲེག་པའི་ལྷ་སྟེ་འཚིག་པར་བྱེད།། ཁམས་གསུམ་འཁྲུ་བྱེད་ཡེ་ཤེས་ཆུ།། འཁོར་བ་འཁྲུད་བྱེད
171a2 ངན་སོང་འཇོམས།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རོལ་པ་ཆེན་པོའི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་འདས་རབ་ཏུ་བྱམས་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ
171a3 རྗེ་ཕུར་པའི་ཆོས་ཉིད་ལས།། ཀུན་ཏུ་བཟང་པོའི་རོལ་པ་ཡིས།། དུས་གསུམ་བདེ་གཤེགས་དགོངས་པ་འདུས།། ཤེས་པའི་ཁྱད་པར་བསམ་འདས་པ།། རོལ་པའི་ཐེག་པ་བསམ་ལས་འདས།། ཡིན་དང་མ་ཡིན
171a4 བརྟག་དཀའ་བས།། རྟོག་པའི་ལྟ་བ་བསམ་ལས་འདས།། མ་རིགས་མ་ཤེས་དྲང་བ་ལས།། ཟག་པ་མེད་པའི་ཆོས་རྣམས་ལ།། རྣམ་པ་གྲངས་སུ་རབ་བསྟན་ཏེ།། དོན་དམ་གཉིས་སུ་བསྟན་པར་སྣང་།། སིལ་བུ་གོང
171a5 བུ་སྙོམས་པར་འཇུག། ལྔ་རུ་འཇུག་ཅིང་ས་རྣམས་བགྲོད།། ས་གཉིས་རབ་ཏུ་ནོན་པ་ཡང་།། དོན་དང་མཐུན་པ་ཡང་དག་ས།། བྱམས་པ་ཆེན་པོའི་རོལ་པ་ལས།། ཆོས་ཉིད་ཕུར་པ་ཅིར་ཡང་སྣང་།། རང་རང་རྟོགས
171a6 པའི་ཁྱད་པར་ལས།། སྤང་བ་དང་ནི་བསྒྲུབ་པ་དང་།། སྤང་ན་སྟོང་པ་ནམ་མཁའ་འདྲ།། མ་སྤངས་ས་ལ་རྣམ་པ་གསུམ།། ཉོན་མོངས་ལས་དང་སྡུག་བསྔལ་གསུམ།། རྟོགས་དང་མ་རྟོགས་ཁྱད་པར་ལས།། བྱམས་པ
iiif viewer powered by OpenSeadragon
