| e-texts navigator |
| Wylie |
170b1 སྟེ།། ངེས་པ་ཅན་དུ་གྱུར་པར་ན།། བྱ་རྩོལ་མེད་པའི་ཡེ་ཤེས་མིན།། དོན་གྱི་ཕུར་པ་གཞི་རྩ་བྲལ།། ངེས་པར་ཕུར་པ་བརྗོད་པ་བྲལ།། སྣང་བ་ཙམ་དུ་བསྟན་པ་སྟེ།། རང་རང་རྒྱུད་དུ་འཛིན་པ་མེད།། འཛིན་པ་རང
170b2 བཞིན་དངོས་པོ་སྟེ།། དེ་ཡིས་བསྟན་པའི་འབྲས་བུ་ནི།། ས་དང་ལམ་ལ་རིམ་པར་བསྟན།། རྟོགས་པ་མེད་པའི་ལྷ་ཉིད་ནི།། འབྲས་བུ་སྲིད་པ་ཉིད་དུ་བརྟས།། ཤེས་པའི་རྟོག་པ་རང་སར་གྲོལ།། རང་གྲོལ་འབྲས་བུ
170b3 བཙལ་མི་དགོས།། སངས་རྒྱས་ས་ལ་རྣམ་པ་ལྔ།། རང་རིག་ཡེ་ཤེས་རྟོགས་པའི་ས།། འཛིན་པ་ཕྱོགས་སུ་བྲལ་བའི་ས།། ཡེ་ཤེས་རྒྱུན་མི་འཆད་པའི་ས།། རྒྱུ་འབྲས་གཉིས་མེད་རྟོགས་པའི་ས།། ཐམས་ཅད་ལྷུན
170b4 གྱིས་གྲུབ་པའི་ས།། ལྔ་ཡིས་རང་བྱུང་ས་ལྔ་རྟོགས།། འབྱུང་བ་ལྔ་ཡི་རང་བཞིན་ལ།། སངས་རྒྱས་ཞིང་ཁམས་ཐམས་ཅད་རྟོགས།། ནམ་མཁའ་སྟོན་པས་རབ་བསྟན་པ།། ངེས་པར་བསྟན་དུ་མེད་པར་རྟོགས།། སྟོན
170b5 པས་ཆུ་ཡི་དོན་བསྟན་པ།། འཁོར་བའི་བག་ཆགས་སྦྱོང་བར་རྟོགས།། སྟོན་པས་ས་ཡི་དོན་བསྟན་པ།། འགྲོ་བ་ཚིམས་བྱེད་གསོས་སུ་རྟོགས།། སྟོན་པས་མེ་ཡི་དོན་བསྟན་པ།། འཁོར་བའི་རྣམ་རྟོག་བསྲེག་པ
170b6 དང་།། ཡེ་ཤེས་མེ་ཆེན་འབར་བའི་རྟགས།། སྟོན་པ་ལྔ་ཡིས་རབ་བསྟན་པ།། འཁོར་བ་ལྔ་ནི་མྱ་ངན་འདས།། རེ་དོགས་མེད་པར་མྱ་ངན་འདས།། ཡང་དག་སྟོན་པའི་སྙིང་པོ་འདི།། ཆོས་ཉིད་ཕུར་པའི་ངོ་བོ
iiif viewer powered by OpenSeadragon
