| e-texts navigator |
| Wylie |
170a1 རྩ་བྲལ།། གཉིས་སུ་མེད་པར་གཞི་རྩ་བྲལ།། ཆོས་ཉིད་ཕུར་པར་གཞི་རྩ་བྲལ།། ཐུགས་རྗེ་ཕུར་པར་གཞི་རྩ་བྲལ།། བྱང་སེམས་ཕུར་པར་གཞི་རྩ་བྲལ།། འདུས་བྱས་ཕུར་པར་གཞི་རྩ་བྲལ།། དེ
170a2 བཞིན་ཉིད་དུ་གཞི་རྩ་བྲལ།། ལྷ་ཡི་གཞལ་ཡས་གཞི་རྩ་བྲལ།། ལྷ་ཉིད་བསྒོམ་པར་གཞི་རྩ་བྲལ།། སྤྱན་དང་མཆོད་དང་བསྟོད་པ་དང་།། ཐམས་ཅད་རང་བཞིན་གཞི་རྩ་བྲལ།། གཞི་དང་རྩ་བ་ངེས་གཟུང
170a3 མེད།། གཞི་རྩ་བྲལ་བའི་ཆོས་ཉིད་ནི།། ཅིར་ཡང་མེད་ལ་ཅིར་ཡང་སྣང་།། སྣང་བ་ཉིད་ཀྱང་གཞི་རྩ་བྲལ།། ཅིར་ཡང་མེད་པས་ངོས་གཟུང་མེད།། ལྷ་དང་ལྷ་རུ་བསྒོམ་པ་ཡང་།། ལྷ་གཉིས་རང་བཞིན་ཁྱད་པར
170a4 མེད།། དྲང་བའི་དོན་དུ་ཅིར་ཡང་སྟོན།། དྲང་བ་ཉིད་དུ་བསྟན་པ་ནི།། ངེས་པར་བརྟགས་པས་དེ་བཞིན་ཡིན།། ངེས་པ་ཉིད་དང་གཉིས་སུ་མེད།། ངེས་མེད་རང་བཞིན་ཐམས་ཅད་སྟོན།། སྤངས་པའི་ཆོས་ཉིད་ཐིག
170a5 ལྟར་ཕྲ།། ཕྲ་བས་དམིགས་དང་བྲལ་བར་བཤད།། ཕྲ་བའི་རང་བཞིན་བརྟག་དཀའ་བ།། ཕྲ་བའི་དོན་ཉིད་ཅིར་ཡང་སྟོན།། དེ་ཡིས་དོན་རྣམས་སྟོན་པར་བྱེད།། ཡང་དག་ཉིད་དུ་དེ་བསྟན་ན།། ངེས་པ་ཉིད་དུ་འབྲས
170a6 བུར་བཅས།། རེ་བ་མེད་པར་དོན་རྟོགས་ནས།། ཡང་དག་བསྟན་པའི་ཕུར་པ་འགྱུར།། ལྷ་ཉིད་གཞི་རྩ་མ་བྲལ་ན།། ཡང་དག་དོན་གྱི་ཕུར་པ་མིན།། འཛིན་པས་བཅིངས་པའི་ལྷ་ཉིད་ནི།། གཞི་དང་རྩ་བ་བཅས་པ
iiif viewer powered by OpenSeadragon
