| e-texts navigator |
| Wylie |
169b1 སངས་རྒྱས་དང་།། གྲུབ་པའི་འབྲས་བུ་གང་བསྟན་པ།། ས་དང་ལམ་ལྔ་རབ་བགྲོད་ཀྱང་།། མེ་ལོང་ཡེ་ཤེས་ཆེན་པོ་ཡིས།། སྣང་བའི་དོན་ལ་ཅིར་ཡང་སྟོན།། དེ་བཞིན་རིགས་ཀྱི་སངས་རྒྱས་དང་།། གྲུབ་པའི་འབྲས
169b2 བུ་ཁྱད་པར་ཅན།། ས་དང་ལམ་ལ་རིང་བས་ན།། སྟོང་པ་ཆེན་པོའི་དབྱིངས་སུ་ཐིམ།། རིན་ཆེན་རིགས་ཀྱི་སངས་རྒྱས་ནི།། གྲུབ་པའི་འབྲས་བུ་རིན་ཆེན་ཡང་།། གཞི་ཡི་དོན་གྱིས་ལས་མི་འགྲུབ།། སྐབས་ཀྱི་འབྲས
169b3 བུ་རང་སར་གྲོལ།། མཉམ་པའི་ངང་དུ་ཡང་དག་སྟོན།། པདྨ་རིགས་ཀྱི་སངས་རྒྱས་ཀྱང་།། བདེ་བའི་འབྲས་བུ་དོན་གྱིས་གསལ།། རིམ་པ་གྲངས་ལ་བསྟན་ན་ཡང་།། བཞི་དང་ལྔ་རུ་བསྟན་དུ་མེད།། སོ་སོར་རྟོགས
169b4 པས་རྟོགས་པའི་ངང་།། ལས་ཀྱི་རིགས་ཀྱི་སངས་རྒྱས་ཀྱང་།། གྲུབ་པ་ཅན་དུ་བསྟན་པ་སྟེ།། ས་དང་ལམ་ལ་བསྟན་པར་ཟད།། གྲུབ་པའི་འབྲས་བུ་གཞི་མི་དགོས།། ཐམས་ཅད་གཅིག་པས་མི་འབྱུང་ཕྱིར།། བྱ་བ
169b5 གྲུབ་པའི་རང་བཞིན་ཅན།། སྐུ་ལྔ་ཡེ་ཤེས་རྣམ་ལྔ་ཡང་།། དོན་དམ་གཅིག་ལས་བསྟན་པ་ལ།། དེ་ཉིད་ངོ་བོར་འབྱུང་བས་ན།། རིག་པ་ཅན་དུ་གང་ལ་འགྱུར།། མེད་པར་བྱུང་བའི་དོན་དུ་ཡང་།། བརྗོད་པའི་ཚིག་ཙམ
169b6 ཡང་དག་མིན།། རང་རིག་གསལ་བའི་ངོ་བོ་ལས།། སྟོང་པའི་རིག་པར་འགྱུར་བ་མེད།། རིག་པ་ཐམས་ཅད་ཀུན་གྱི་གཞི།། རིག་པ་སྣ་ཚོགས་བྱུང་བས་ན།། རིག་པའི་ངོ་བོས་གཞི་རྩ་བྲལ།། མེད་པའི་རང་བཞིན་གཞི
iiif viewer powered by OpenSeadragon
