| e-texts navigator |
| Wylie |
169a1 དམིགས་དང་བྲལ།། དང་པོ་མ་བྱུང་ཐ་མ་གར་མི་འགྲོ།། དེ་བཞིན་དུས་གསུམ་ཀུན་ཏུ་འདི་ལ་གནས།། ཀུན་ཏུ་བཟང་པོ་ཉིད་ཀྱང་དེ་ཉིད་དོ།། སྣང་བ་ཙམ་དུ་རང་བཞིན་གསལ་བ་ལ།། སྟོང་པ་ཉིད
169a2 ལ་ཐ་དད་དེ་བཞིན་འགྱུར།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། སྙིང་པོ་སྣང་བར་བསྟན་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་རོལ་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ།
169a3 ཡེ་ཤེས་བཞི་དང་རྣམ་པ་ལྔ།། མེ་ལོང་ཡེ་ཤེས་ཀུན་གྱི་མཆོག། ཐམས་ཅད་འདི་ཡི་ངོ་བོ་གསལ།། སྟོང་པའི་ཡེ་ཤེས་སྣང་བ་མེད།། སྟོང་པ་ཆེན་པོ་ཆོས་ཀྱི་མཆོག། མཉམ་ཉིད་ཡེ་ཤེས་རིན་པོ་ཆེ།། སྣང་སྟོང་གཉིས
169a4 ལ་ཁྱད་པར་མེད།། སོ་སོར་རྟོག་པ་ཤེས་རབ་ཡིན།། རབ་ཏུ་འབྱེད་པའི་ངོ་བོར་གནས།། བྱ་བ་གྲུབ་པས་ལས་རྣམས་སྟོན།། ཐམས་ཅད་སྤྲུལ་པས་སྟོང་གསུམ་འགེངས།། དོན་རྣམས་མ་ལུས་འགྲུབ་པར་བྱེད།། ཡེ
169a5 ཤེས་ལྔ་ཡི་རང་བཞིན་ལས།། རང་བཞིན་གསལ་བའི་ཡེ་ཤེས་ཏེ།། རིགས་སུ་ཕྱེ་བས་ལྔ་རུ་བཤད།། རོལ་པའི་དོན་ལ་ཁྱད་པར་མེད།། གཅིག་ནི་ཆོས་སྐུ་དོན་གྱིས་མཚོན།། གཉིས་ནི་ལོངས་སྐུ་འགྲོ་བ
169a6 འདུལ།། གཅིག་ནི་སྤྲུལ་པ་བསྟན་པ་བསྲུང་།། དོན་གྱི་ཁྱད་པར་ཡང་དག་པ།། ལྔ་པའི་ངེས་པར་གསལ་བར་འགྱུར།། དོན་དམ་ཡེ་ཤེས་རྫོགས་པ་ཡིས།། རོལ་པ་ཆེན་པོའི་རིགས་ལྔར་འབྱུང་།། རྡོ་རྗེ་རིགས་ཀྱི
iiif viewer powered by OpenSeadragon
