| e-texts navigator |
| Wylie |
168b1 གྲུབ།། གྲུབ་པ་མེད་དེ་དེ་ཉིད་རབ་ཏུ་བཟང་།། ང་ལ་ང་ཞེས་བསྟན་པས་རབ་ཏུ་འཁྲུལ།། བྱང་ཆུབ་ཉིད་ལ་འཁྲུལ་དང་མ་འཁྲུལ་མེད།། འཁྲུལ་པ་ཉིད་ཀྱང་བྱང་ཆུབ་ཆེན་པོའི་ལམ།། ལམ་རྣམས་མ་བགྲོད་ཐམས
168b2 ཅད་ལྷུན་གྱིས་གྲུབ།། ས་རྣམས་མ་སྦྱངས་ཐམས་ཅད་གྲུབ་པའི་ས།། ས་མཆོག་འདི་ནི་མ་བཙལ་ལྷུན་གྱིས་གྲུབ།། ས་ལ་བརྟེན་ཏེ་སྦྱང་བའི་དམིགས་དང་བྲལ།། ཡེ་ཤེས་ཆེན་པོ་ལྷུན་གྱིས་གྲུབ་པའི་ས།། བདེ་བ་ཆེན
168b3 པོ་རང་བཞིན་རྟོགས་པའི་ས།། ས་ལ་རྣམ་པ་གསུམ་དུ་ངེས་པ་མེད།། ཐེག་ཆེན་ས་ནི་ས་གཅིག་ཀུན་གྱི་དུས།། དེ་ཉིད་དང་ལས་ས་རྣམས་ལྷུན་གྱིས་གྲུབ།། ཐམས་ཅད་འབྱུང་བའི་ས་སྟེ་བདེ་བའི་ངང་།། ལམ་མཆོག
168b4 ཉིད་ཀྱང་མ་བགྲོད་ཀུན་ཀྱང་བསྟན།། ལམ་གྱི་སྙིང་པོ་དེ་ཡིས་ལམ་རྣམས་ཐམས་ཅད་འགྲུབ།། ལམ་ལྔ་བགྲོད་པས་ལམ་མཆོག་ཡོངས་མི་ཐོབ།། བགྲོད་དུ་མེད་པའི་ལམ་ཆེན་ང་ཡིས་བསྟན།། ས་དང་ལམ་ལ་ངེས
168b5 པ་དེ་ཉིད་ཡིན།། བསྐལ་པར་འཛོམ་ཡང་དེ་ཉིད་འདྲེས་པ་མེད།། གཡེང་བ་མང་པོའི་དོན་རྣམས་ཡལ་བར་དོར།། ཕྱོགས་སུ་འཛིན་ཅིང་ང་ཡི་རང་བཞིན་ཅན།། འཛིན་པ་ཉིད་ཀྱང་སྡིག་པའི་སྣོད་དང་བྲལ།། ཉི་མ
168b6 ཤར་བའི་རང་བཞིན་བྱས་པ་མིན།། མ་བྱས་པ་ཡང་མིན་ཏེ་ཐམས་ཅད་དེ་ལྟར་སྣང་།། སྐུ་གསུང་ཐུགས་ཀྱང་ང་རུ་བསྟན་དུ་མེད།། བརྗོད་པ་གསུམ་དང་བྲལ་ཕྱིར་དེ་བཞིན་ནོ།། བརྗོད་པ་ཉིད་ལ་བརྗོད་པའི
iiif viewer powered by OpenSeadragon
