| e-texts navigator |
| Wylie |
168a1 གཙོ་དང་འཁོར་དུ་སྣང་།། སྙིང་པོ་འདི་ལས་བཙལ་དུ་མེད་པར་འགྲུབ།། སྙིང་པོ་འདི་ལས་དཀྱིལ་འཁོར་ཐམས་ཅད་འབྱུང་།། སྙིང་པོ་འདི་ལས་ཐམས་ཅད་ཀུན་ཏུ་གསལ།། སྙིང་པོ་འདི་ལས་ཡོངས་སུ
168a2 བརྡལ་བའི་ངང་།། སྙིང་པོ་འདི་ལས་རྩལ་དང་ཐུགས་རྗེར་འབྲེལ།། སྙིང་པོ་འདི་ལས་ཐམས་ཅད་གཞི་དང་བྲལ།། སྙིང་པོ་འདི་ལ་བསག་པའི་གཞི་དང་བྲལ།། སྙིང་པོ་འདི་ལ་བརྟེན་པའི་ས་དང་བྲལ།། སྙིང་པོ་འདི
168a3 ལ་བརྟེན་པའི་དོན་དང་བྲལ།། སྙིང་པོ་འདི་ལ་བརྗོད་པའི་ཚིག་དང་བྲལ།། སྙིང་པོ་འདི་ལ་ལྟ་བའི་ཡུལ་དང་བྲལ།། སྙིང་པོ་འདི་ལ་བསྒོམ་པའི་དམིགས་དང་བྲལ།། སྙིང་པོ་འདི་ལ་སྤྱོད་པའི་དམིགས་དང
168a4 བྲལ།། སྙིང་པོ་འདི་ལ་རེ་བའི་འབྲས་བུ་བྲལ།། སྙིང་པོ་འདི་ལ་ང་དང་བདག་ཏུ་བྲལ།། སྙིང་པོ་འདི་ལ་བརྟེན་པའི་དམིགས་དང་བྲལ།། ཐམས་ཅད་གཟུང་བའི་ཡུལ་མེད་རེ་བ་མེད།། སྙིང་པོ་ཉིད་ཀྱང་བསྟན་པའི
168a5 དམིགས་དང་བྲལ།། སྤང་བ་མེད་དེ་རང་བཞིན་ངང་གི་གསལ།། གསལ་བ་ཉིད་ཀྱང་དམིགས་པ་ཀུན་དང་བྲལ།། གསལ་བ་ཉིད་ན་འདི་ཞེས་བསྟན་དུ་མེད།། མེད་པ་མ་ཡིན་ཀུན་གྱི་སྙིང་པོར་གསལ།། སྙིང་པོ་ཉིད
168a6 ན་བདེ་བ་ཆེན་པོར་གནས།། བདེ་བས་མི་འཛིན་རང་བཞིན་ཅིར་ཡང་སྣང་།། སྣང་བ་ཀུན་ཀྱང་དམིགས་པའི་བརྟེན་པ་མེད།། ཡོད་དང་མེད་པའི་མཐར་ནི་ཅིར་ཡང་སྣང་།། ཐམས་ཅད་ང་ཡིན་དེ་ལ་ངམ
iiif viewer powered by OpenSeadragon
