| e-texts navigator |
| Wylie |
167b1 འདོར་ཡང་དག་སྙིང་པོ་བྲལ།། སྙིང་པོ་ཉིད་ལ་འདི་ཞེས་བསྟན་དུ་མེད།། སྙིང་པོ་ཉིད་ཀྱང་དོན་གྱིས་བརྗོད་དང་བྲལ།། སྙིང་པོ་འདི་ལ་མ་འདུས་གང་ཡང་མེད།། སྙིང་པོ་འདི་ལས་རོལ་པ་ཅིར་ཡང་སྣང་།། སྙིང་པོ
167b2 འདི་ལས་སེམས་ཅན་སངས་རྒྱས་འབྱུང་།། སྙིང་པོ་འདི་ལས་སྐུ་དང་ཡེ་ཤེས་འབྱུང་།། སྙིང་པོ་འདི་ལས་ཐམས་ཅད་མཁྱེན་པ་འབྱུང་།། སྙིང་པོ་འདི་ལས་གསལ་བའི་ཡེ་ཤེས་འབྱུང་།། སྙིང་པོ་འདི་ལས་རིགས་ཀྱི
167b3 སངས་རྒྱས་འབྱུང་།། སྙིང་པོ་འདི་ལས་ཡང་དག་འབྲས་བུ་འབྱུང་།། སྙིང་པོ་འདི་ལས་བསྟན་པ་རྒྱ་མཚོ་འབྱུང་།། སྙིང་པོ་འདི་ལས་མི་བདེ་སྣ་ཚོགས་འབྱུང་།། སྙིང་པོ་འདི་ལས་ས་དང་ལམ་དུ་འབྱུང་།། སྙིང་པོ་འདི
167b4 ལས་ས་རྣམས་རིམ་པར་བགྲོད།། སྙིང་པོ་མ་སྤངས་རང་བཞིན་ལྷུན་གྱིས་གྲུབ།། སྙིང་པོ་འདི་ལས་དོན་རྣམས་ཡང་དག་འབྱུང་།། སྙིང་པོ་འདི་ལས་ངེས་མེད་ངེས་པར་གཟུང་དུ་མེད།། སྙིང་པོ་འདི་ལས་བྱིན
167b5 རླབས་ཐམས་ཅད་འབྱུང་།། སྙིང་པོ་འདི་ལས་བཙལ་བ་མེད་པར་གསལ།། སྙིང་པོ་འདི་ལས་དབང་རྣམས་མ་བསྐུར་འཐོབ།། སྙིང་པོ་འདི་ལས་ཕྲིན་ལས་ལྷུན་གྱིས་གྲུབ།། སྙིང་པོ་འདི་ལས་ཞི་ཁྲོ་གཉིས་སུ
167b6 སྣང་།། སྙིང་པོ་འདི་ལས་བྱ་རྩོལ་མེད་པར་གྲུབ།། སྙིང་པོ་འདི་ལས་སྣང་དང་སྟོང་པར་སྣང་།། སྙིང་པོ་འདི་ལས་བྱིན་རླབས་ཤུགས་ཀྱིས་འབྱུང་།། སྙིང་པོ་འདི་ལས་གང་བསྟན་ཐམས་ཅད་འགྲུབ།། སྙིང་པོ་འདི་ལས
iiif viewer powered by OpenSeadragon
