| e-texts navigator |
| Wylie |
167a1 བཏང་།། མཁས་པ་ཆེན་པོ་སྟོན་པའི་སྒྲོན་མར་གསལ།། གསལ་ལ་འཛིན་པ་མེད་པའི་ངང་ཉིད་ལས།། དུས་གསུམ་ཀུན་ཏུ་མ་བསྒྲིབས་རབ་ཏུ་གསལ།། འབྱུང་བ་ཆེན་པོའི་དབྱིངས་ལས་མི་ཞེན་པ།། མ
167a2 ཡེངས་དོན་ལ་ཅི་ཡང་ས་ལེ་མཁྱེན།། གང་ལ་བསྟན་པ་དེ་ལས་གཞན་ལ་བསྟན་དུ་མེད།། ཉི་མའི་སྙིང་པོ་འགྱུར་བ་མེད་པ་ལྟར།། རང་བྱུང་བྱང་ཆུབ་སེམས་ལ་འགྱུར་བ་མེད།། བདེ་བའི་མྱུ་གུ་བསྟན་པའི་སྒྲོན་མེ
167a3 གསལ།། དོན་དུ་བསྟན་ཀྱང་ངེས་པ་དེ་ལས་མེད།། བསྟན་པ་ཉིད་ལ་འདི་ཞེས་བརྗོད་དང་བྲལ།། བྲལ་ཞིང་སྤང་དུ་ཅི་ཡང་མེད་པར་རྟོགས།། ཕྱོགས་དང་བྲལ་ཞིང་ཕྱོགས་ལ་འཛིན་པ་མེད།། བརྡལ་བ་ཆེན་པོའི
167a4 ང་ལས་མ་གཡོས་པར།། གང་གི་དོན་དུ་དེ་ཡི་བསྟན་པར་འབྱུང་།། དོན་དམ་བཅུད་ཀྱི་སྙིང་པོ་ངང་གིས་གསལ།། ཡོད་པའི་ངོ་བོ་ཅིར་ཡང་སྣང་བའི་འོད།། ལེགས་པའི་འབྲས་བུ་ཐོབ་ཏུ་མེད་པའི་དབྱིངས།། དོན
167a5 གྱི་སྙིང་པོ་བདེ་བ་འདི་ལས་མེད།། བདེ་བ་ཉིད་ཀྱང་གསལ་བའི་ཉི་མ་འདྲ།། དཔེར་ན་ཆུ་ཡི་ཟླ་བ་བཞིན་ཏེ་རང་བཞིན་གསལ།། གང་གིས་བསྟན་པ་དེ་ཡིས་གོ་བར་བསྟན།། དེ་མ་རྟོགས་པའི་བྱང་ཆུབ་སྙིང་པོ
167a6 ནི།། གསལ་བ་མི་འཛིན་རང་བཞིན་འོད་ཀྱིས་གསལ།། སྟོང་པ་ཀུན་བཟང་དུས་གསུམ་འགྱུར་བ་མེད།། རཀྵ་སྲིན་པོ་བདེ་བའི་མྱུ་གུ་བརྟགས།། རང་རང་བག་ཆགས་བརྟས་པས་སྡུག་བསྔལ་འབྱུང་།། མི་སྤང་མི
iiif viewer powered by OpenSeadragon
