| e-texts navigator |
| Wylie |
165b1 པ་དང་།། མཉམ་པའི་ཡེ་ཤེས་ཆེན་པོ་ཡིས།། ཐམས་ཅད་འབྱུང་བས་ཟག་པ་མེད།། སྔགས་ལ་སྦྱོར་བའི་རིམ་པ་མེད།། བསྒྲུབ་པའི་འབྲས་བུ་དོན་གྱི་མཆོག། འོད་དང་བར་སྣང་འཇའ་རྣམས་འབྱུང་།། མཉམ་པའི་ཡེ
165b2 ཤེས་དངོས་གྲུབ་འབྱུང་།། ཟླ་གམ་ཐོད་པ་མཚན་ལྡན་ལ།། རྒྱུ་གཅིག་པ་དང་རྐྱེན་གཉིས་པ།། རཀྟ་ཆེན་པོ་དངོས་འབྱུང་མིན།། འདབ་ཆགས་ཤ་དང་རམ་བུ་དང་།། བསྒོམ་པས་གསལ་ལ་རྟོག་པ་མེད།། རང་གསལ
165b3 བ་ཉིད་དེ་བཞིན་ནོ།། རྟོག་པ་མེད་པའི་ཡེ་ཤེས་ཀྱིས།། གསལ་ལ་གདངས་པ་པདྨའི་དྲི།། སྔགས་ལ་རིམ་པའི་གྲངས་དང་སྦྱར།། བསྒྲུབ་པའི་འབྲས་བུ་དོགས་པ་མེད།། ཡི་དམ་ལྷ་དང་མཁའ་འགྲོའི་གཟུགས།། སོ
165b4 སོར་རྟོག་པའི་དངོས་གྲུབ་ཐོབ།། འབྲས་བུ་པདྨའི་རིགས་སུ་འགྱུར།། རྒྱ་གྲམ་ཐོད་པ་མཚན་ལྡན་དུ།། རྒྱུ་གཅིག་པ་དང་རྐྱེན་གཉིས་པ།། དྲི་ཆུ་བྱང་ཆུབ་སེམས་དཔའ་དང་།། རྐང་ལེབ་ཤ་དང་ཅོང་ཞི
165b5 དང་།། བསྒོམས་པས་ཕྲིན་ལས་ཐམས་ཅད་འགྲུབ།། གྲུབ་པས་དོན་རྣམས་འབྱུང་བར་འགྱུར།། ཐམས་ཅད་འགྲུབ་པར་འབྱུང་བ་ཡིན།། གདུག་པ་འདུལ་བས་དྲག་པོར་འགྲུབ།། སྔགས་ལས་གསུམ་གྱིས་དོན་དུ
165b6 སྒྲསྦྱར།། ཐམས་ཅད་འབྱུང་བས་རེ་བ་སྐོང་།། དོན་རྣམས་བསྟན་དང་ཡིད་དུ་འོང་།། མེ་ལྟར་འབར་དང་ཆུ་ལྟར་འབབས།། བྱ་བ་གྲུབ་པའི་ཡེ་ཤེས་ཐོབ།། འབྲས་བུ་ལས་ཀྱི་རིགས་སུ་འགྱུར།། སྟོང་པ་ཧཱུཾ་དང་རྡོ་རྗེ
iiif viewer powered by OpenSeadragon
