| e-texts navigator |
| Wylie |
165a1 བཅོམ་ལྡན་འདས་བདུད་རྩི་སོ་སོར་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། རྒྱུ་གཅིག་པ་དང་རྐྱེན་གཉིས་པ།། བྱང་ཆུབ་སེམས་དང་སྡེར་ཆགས་ཤ། ལན་ཚྭ་ཉིད་དུ་རྐྱེན་དུ་འགྱུར།། འབྱུང
165a2 བ་སྟོང་པའི་རང་བཞིན་ལས།། བདུད་རྩིའི་ལྷ་ཉིད་རྣམ་པར་གསལ།། ཡེ་ཤེས་རྡོ་རྗེ་ཆེན་པོ་ཡིས།། ཐམས་ཅད་འདུས་པའི་རང་བཞིན་ཏེ།། འབྲུ་གསུམ་སྔགས་དང་ལྷ་རྣམས་དང་།། བདུད་རྩིའི་སྔགས་ཀྱིས་རྣམ་པར
165a3 སྦར།། མ་གྲུབ་བར་དུ་སྔགས་རྣམས་བཟླས།། ཐོད་པ་འགུལ་དང་དུ་བ་དང་།། མེ་དང་འོད་རྣམས་རྣམ་པར་འབྱུང་།། མེ་ལོང་ཡེ་ཤེས་དངོས་གྲུབ་ཐོབ།། འབྲས་བུ་རྡོ་རྗེའི་རིགས་སུ་འགྱུར།། སུལ་འགྲེང་ཐོད་པ
165a4 མཚན་ལྡན་ལ།། རྒྱུ་གཅིག་པ་དང་རྐྱེན་གཉིས་པ།། རྒྱུ་ནི་བྱང་ཆུབ་དྲི་ཆེན་ལ།། རྨིག་ཟླུམ་ཤ་དང་བྲག་ཞུན་དང་།། རིམ་པ་བྱ་བ་དེ་བཞིན་དུ།། དེ་བཞིན་ཉིད་ཀྱི་ལྷ་ཉིད་གསལ།། ཆོས་ཉིད་ཡེ་ཤེས་ཆེན་པོ
165a5 ཡིས།། ཐམས་ཅད་འདུས་པ་དྲི་མ་མེད།། སྔགས་གསུམ་དེ་བཞིན་ཡང་དག་སྦྱར།། སྒྲུབ་པ་ཆེན་པོ་ལས་ཀྱི་མཆོག། ཞིམ་པའི་ངད་དང་སྣ་ཚོགས་དྲི།། སྟོང་པ་ཆེན་པོའི་དངོས་གྲུབ་ཐོབ།། འབྲས་བུ་དེ་བཞིན
165a6 གཤེགས་པར་འགྱུར།། སུལ་མང་ཐོད་པ་མཚན་ལྡན་ལ།། རྒྱུ་གཅིག་པ་དང་རྐྱེན་གཉིས་པ།། མཱཾ་ས་ཆེན་པོ་ཡང་དག་འབྱུང་། ཁ་བྲག་ཤ་དང་དབང་པོ་ལག། བསྒོམ་པའི་ལྷ་ཡང་དེ་བཞིན་ཏེ།། གསལ་ལ་རྟོག་པ་མེད
iiif viewer powered by OpenSeadragon
