| e-texts navigator |
| Wylie |
164b1 དབུས་སུ་གཞུག། མཆོད་པའི་རྫས་དང་བསྐྲད་པའི་རྫས།། གསོ་བའི་རྫས་ཀྱང་རིམ་པ་བཞིན།། ཏིང་འཛིན་ཆེན་པོའི་རིམ་པ་བཞིན།། རྒྱལ་པོར་བསྒོམ་ཞིང་འཕྲོ་འདུ་བྱ།། འཕྲོ་འདུ་བདུད་རྩི་ཆེན་པོར་འགྱུར།།
164b2 བཞིན་ལས་སུ་རུང་བར་བྱ།། སོམ་ཉི་མེད་པའི་རྟགས་བྱུང་ན།། བརྡུངས་ཏེ་ལས་རྣམས་དེ་ཉིད་ཡིན།། ཕབ་རྣམས་བཏབ་ལ་ལེགས་པར་སྤེལ།། སྣོད་དུ་སྩལ་ཅིང་བསྲུང་བར་བྱ།། དུ་བས་བདུག་ཅིང་རྒྱལ་པོས
164b3 བསྲུང་།། དཀྱིལ་འཁོར་གང་དུ་བསྟན་པའོ།། བཞུགས་སུ་གསོལ་བ་ཀུན་ཀྱང་བྱ།། ཏིལ་ཆེན་མེ་མར་གསལ་བ་བཏང་།། རྒྱན་དང་ཆ་ལུགས་རབ་ཏུ་བསྟན།། སྙིང་པོ་གྲངས་མེད་བརྗོད་ལས་འདས།། ལྷ་ལ་མཆོད
164b4 ཅིང་སྲུང་མ་བསྐུལ།། མཆོད་པ་འབུལ་ཞིང་སྦྱོར་བར་བྱ།། དུ་བ་རླངས་པ་མེ་འོད་དང་།། སྙན་པའི་སྒྲ་དང་ཞིམ་པའི་དྲི།། བར་མ་ཆད་པར་བྱུང་གྱུར་ན།། དངོས་གྲུབ་ལས་ལ་ཤིས་པ་ཡིན།། ངན་ན་དུས་དྲུག་ཉུལ་ལེ
164b5 བཟློག། རྟ་བའི་ཚད་དང་ལྡན་པར་བྱ།། འོན་ཏང་དངོས་གྲུབ་ཡིན་པར་ངེས།། དངོས་གྲུབ་རྫས་རྣམས་བསྟར་བྱས་ལ།། བསྲུང་ཞིང་བསྐྲད་དེ་ལས་རྣམས་བྱ།། ཡེ་ཤེས་ལྷ་ཡི་དངོས་གྲུབ་དང་།། མཚན་མ་རྫས་ཀྱི
164b6 དངོས་གྲུབ་དང་།། དབང་བསྐུར་རིམ་པ་དེ་བཞིན་བྱ།། ལས་ཀྱི་བྱ་བ་ཀུན་ཀྱང་རྫོགས།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། སྨན་རིགས་གཅིག་པ་བསྒྲུབ་པའི་ལེའུ་སྟེ་བརྒྱད་པའོ།། །། དེ་ནས
iiif viewer powered by OpenSeadragon
