| e-texts navigator |
| Wylie |
164a1 ཅད་ཀུན།། རིམ་པ་གང་དུ་བཤད་པས་ན།། ཁྲོ་བོ་ལས་ཀྱི་བདུད་རྩི་རྣམས།། མི་བསྲེ་རང་རང་བསྟེན་པར་བྱ།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ཁྲོ་བོ་བདུད་རྩི་བསྒྲུབ་པའི་ལེའུ་སྟེ་བདུན
164a2 པའོ།། །། དེ་ནས་བཅོམ་ལྡན་འདས་སྨན་རིགས་གཅིག་པའི་ཏིང་ངེ་འཛིན་ལ་སྙོམས་པར་ཞུགས་ཏེ། མཚན་ལྡན་དུར་ཁྲོད་གནས་དག་ཏུ།། སྲུང་བའི་ལས་རྣམས་ཀུན་བྱས་ནས།། མཎྜལ་མདའ་གང་གྲུ་བཞི
164a3 ལ།། ལས་ཀྱི་བྱ་བ་བྱས་ནས་ཀྱང་།། ཐིག་དང་ཚོན་ཡང་དེ་བཞིན་བྱ།། བྲི་བའི་ལས་ཉིད་ཡང་དག་བཤད།། གྲུ་གསུམ་ཟླ་གམ་སྒོ་དག་བཅས།། ཟླུམ་པོ་བརྩིག་པ་དེ་བཞིན་བྱ།། ཤར་དུ་སྒོ་ཡང་དེ་བཞིན་ཏེ།། རིམ
164a4 པས་བསྐོར་བའི་མེ་རི་བྱ།། གདན་དང་སྙིང་པོ་དེ་བཞིན་བརྟག། སྒོ་ལ་ཡུམ་གྱི་སྙིང་པོ་བཀོད།། ཕྱི་ནང་གསང་བའི་ལྔ་གསུམ་དང་།། རྩ་བ་བརྒྱད་ཀྱང་དེ་བཞིན་དུ།། ཐམས་ཅད་བདུད་རྩི་བསྒྲུབ་བྱའི་ཕྱིར།། མཚན
164a5 ལྡན་ཐོད་པ་དྲི་ཡིས་བདུག། སྨན་རྣམས་ནང་དུ་བླུག་བྱས་ལ།། སྲུང་བའི་ལས་ཉིད་ཡང་དག་བཤད།། ལས་ཀྱི་ཏིང་འཛིན་ཆེན་པོ་ཡིས།། སྟོང་པ་ཧཱུཾ་དང་རྡོ་རྗེ་དང་།། བརྒྱད་པོ་ཉིད་དུ་ཡང་དག་འགྱུར།། བཞེངས
164a6 དང་སྤྱན་དྲངས་བསྟིམས་པ་དང་།། འཕྲོ་འདུ་བསྟོད་པ་ཡང་དག་པ།། བསྟན་ནས་དབུས་སུ་གཞུག་བྱས་ཏེ།། མར་མེ་ཐོད་པ་རྒྱན་རྣམས་དགྲམ།། ཕུར་པ་རྒྱལ་པོར་དབང་བསྐུར་བྱ།། དེ་བཞིན་དཀྱིལ་འཁོར
iiif viewer powered by OpenSeadragon
