| e-texts navigator |
| Wylie |
162b1 འགྱུར།། དེ་ཕྱིར་རྟོགས་པ་རབ་ཏུ་གཅེས།། མ་རྟོགས་འཁྲུལ་པ་རྟོགས་པ་བསྒོམ།། རང་རྒྱུད་བྲལ་བའི་ཏིང་འཛིན་གྱིས།། བར་ཆད་གཏན་ནས་འཇོམས་པར་བྱེད།། སྟོང་པ་ཆེན་པོའི་ཏིང་འཛིན་ལ།། བསོད་ནམས
162b2 སྟོང་པའི་རང་བཞིན་ཡིན།། དེ་ཉིད་ཡང་དག་དོན་ཤེས་ན།། འབྲས་བུ་བདུད་རྩི་འཁྱིལ་པར་བྱེད།། འཛིན་པས་བཅིངས་པའི་སེམས་ཉིད་ནི།། ཉམ་ང་འཁུ་འཕྲིག་རབ་ཏུ་ཆེ།། རྟགས་ཀྱི་བྱེ་བྲག་མ་ཕྱེད་པར།། དངོས
162b3 གྲུབ་ཡལ་བར་གཏོང་བ་དང་།། བདུད་ཀྱི་ལས་ལས་གྲུབ་པར་བྱེད།། རྩི་མེད་བདུད་ཀྱི་ལས་སུ་འགྱུར།། དེ་བཞིན་ཆ་རྟགས་རབ་ཏུ་གཅེས།། སྔོན་གྱི་བདུད་ཀྱི་རྒྱལ་པོ་ཡང་།། གབ་སྦས་ཤ་མདངས་མ་ཕྱེད
162b4 པར།། ཁམས་གསུམ་སྡུག་བསྔལ་ཆེན་པོར་གྱུར།། ཐར་པའི་དུས་མེད་ཐུགས་རྗེས་བསྒྲལ།། སྦྱོར་དང་སྒྲོལ་བ་མ་རྟོགས་ཏེ།། རང་དགར་བཟུང་བའི་སྦྱོར་སྒྲོལ་གྱིས།། རྣམ་པ་གཉིས་སུ་སྨིན་པར་འགྱུར།། རྡོ་རྗེ་ཕུར
162b5 པ་ཆེན་པོ་བཤད་པའི་རྒྱུད་ལས། སྨན་སྒྲུབ་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་རྫས་ཐམས་ཅད་ཁྲོ་བོས་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཆེན་པོ་བསྟན་པ
162b6 བཞིན།། མཎྜལ་བྲི་བ་དེ་བཞིན་ཏེ།། མང་ཉུང་གྲངས་སུ་བཤད་པ་ཙམ།། མཚན་ལྡན་ལྔ་རུ་བཤམས་པའི་རྫས།། བསྟན་པ་དེ་བཞིན་མང་ཉུང་མེད།། བསྐྱེད་དང་སྤྱན་དྲང་བསྟིམ་པ་དང་།། མཆོད་དང་བསྟོད་པ་རབ
iiif viewer powered by OpenSeadragon
