| e-texts navigator |
| Wylie |
161a1 དང་།། སྒྲུབ་མཆོག་བདག་གི་བྱིན་རླབས་ཀྱིས།། ཟད་མེད་གཏེར་ལ་ལོངས་སྤྱོད་ཅིང་།། འདོད་ཡོན་མང་པོའི་དབང་ཐོབ་ནས།། རིན་ཆེན་ལྔ་ལ་དབང་བསྒྱུར་ཤོག། ཧཱུཾ་རྡོ་རྗེ་ཕུར་པ་བདུད་རྩི་མཆོག
161a2 གི་སྐུ།། རྔམ་པ་ཆེན་པོའི་རིགས་གཅིག་བསྒྲུབ་པའི་ལྷ།། དབུ་ནི་བཅུ་གསུམ་གང་ལ་གང་འདུལ་བསྟན།། གཡས་དང་གཡོན་དུ་མེད་པར་ཐམས་ཅད་མཐིང་།། ཆོས་སྐུ་འགྱུར་བ་མེད་པ་ཁྱེད་ལ་ཕྱག་འཚལ
161a3 བསྟོད།། སྤྱན་ནི་སུམ་ཅུ་སོ་དགུ་བྱུང་བ་ནི།། ཐམས་ཅད་ཀུན་ཏུ་ཁྱབ་པའི་སྤྱན་ལ་ཕྱག་འཚལ་བསྟོད།། མཆེ་བ་ལྔ་བཅུ་རྩ་གཉིས་བསྣོལ་བ་ནི། ཁམས་གསུམ་གདུག་པ་ཐམས་ཅད་སྒྲོལ་བར་བྱེད།། སྐྱེ་ཤིའི་རྩ་བ
161a4 གཅོད་པའི་ཚེམས་ལ་ཕྱག་འཚལ་བསྟོད།། ཤངས་ནི་རྣམ་པ་བཅུ་གསུམ་བྱུང་བ་ནི།། དྲི་རྣམས་མཆོད་པས་མཉེས་བྱེད་ཅིང་།། བདེ་བར་གཤེགས་པའི་ཤངས་ལ་ཕྱག་འཚལ་བསྟོད།། རལ་པ་གྱེན་དུ་འཁྱིལ་བར
161a5 བསྟན་པ་ནི།། འཁོར་བ་གནས་སུ་འདྲེན་བྱེད་ཅིང་།། བྱམས་པའི་མགོན་མཛད་ཁྱེད་ལ་ཕྱག་འཚལ་བསྟོད།། གཡས་གཡོན་དང་པོ་ཧཱུཾ་མཛད་ཡབ་ཡུམ་བསྣམས་པ་ནི།། ཚངས་པ་དབང་སྡུད་བདུད་རྩིའི་ཆར་ཆེན
161a6 འབེབས།། ཉི་མ་ཟླ་བ་འདུལ་བ་ཁྱོད་ལ་བསྟོད།། དེ་ཡི་འོག་མས་རྣམ་རྒྱལ་ཡབ་ཡུམ་བསྣམས།། དྲི་ཟ་དབང་སྡུད་བདུད་རྩིའི་ཆར་ཆེན་འབེབས།། བརྒྱ་བྱིན་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད།། དེ་ཡི
iiif viewer powered by OpenSeadragon
