| e-texts navigator |
| Wylie |
158a1 གསལ་བ་སྦྱོར་ལ་དགའ།། བརྟུལ་ཞུགས་ཆེ་ཞིང་ཤེས་རབ་གསལ།། དེ་བཞིན་གཤེགས་པའི་རིགས་དག་དང་།། རིན་ཆེན་པདྨ་ལས་ཀྱི་རིགས།། རྡོ་རྗེའི་རིགས་དང་ཡང་དག་དོན།། དེ་ཉིད་དུས་ན་ལྔ
158a2 རུ་སྣང་།། འཁོར་ལོ་རིན་ཆེན་པདྨ་དང་།། རྒྱ་གྲམ་རྡོ་རྗེ་ཡང་དག་འབྱུང་།། དེ་བཞིན་རིན་ཆེན་པདྨ་དང་།། ལས་དང་རྡོ་རྗེའི་རིགས་རྣམས་ཀྱིས།། ཁྲོ་བོ་ལྔ་ཡི་དངོས་གྲུབ་བླང་།། ཆེ་བའི་ལུས་དང་ནག་པོའི
158a3 འོད།། ལོག་པའི་སྒྲ་དང་གཉིས་པའི་ལས།། གྲངས་མེད་སྤྲུལ་པ་འགྱེད་པ་དང་།། ཡི་དམ་ལྷ་ལ་མཁའ་འགྲོའི་གཟུགས།། དངོས་གྲུབ་སྟེར་དང་སྙན་པའི་གླུ།། འབར་བའི་མེ་རྣམས་ལོག་པའི་ལམ།། ནམ་མཁའི་འོད
158a4 དང་གསལ་བའི་མེ།། ཉི་མའི་མདངས་དང་འཇའ་ཚོན་གཟུགས།། བྱིས་པའི་སེམས་དང་ལོག་པའི་རྟགས།། ཕུར་པ་ཉུང་དཀར་ཐོ་བ་དང་།། དགྲ་སྟ་རལ་གྲི་ཕྱག་ན་བསྣམས།། གུ་གུལ་རྔ་དང་ཁ་ཊྭཱཾ་དང་།། ཞིང
158a5 ལྤགས་ཕྱག་རྒྱས་ཡང་དག་དགབ།། རེ་དོགས་མེད་པའི་སེམས་ཉིད་ཀྱིས།། ཉམ་ང་མེད་པའི་སེམས་དང་བཅས།། དཔའ་བརྟུལ་སྤྱོད་པ་དུས་དང་སྦྱར།། བདེན་པའི་དོན་དང་མ་ལྡན་ན།། བག་མེད་སྤྱད་པས་སྐྱོན་དུ
158a6 འགྱུར།། ཡང་དག་ངེས་པའི་གདེང་ཆུད་ན།། བསམ་པ་འགྲུབ་ཅིང་ཆུད་མི་གསོན།། ས་གཞི་དོན་ལ་ཡང་དག་སྦྱོར།། བསོད་ནམས་མེ་ཡི་མཆོད་པ་འབུལ།། ཉེས་པ་མེད་པའི་རྟགས་ལ་དབབ།། དངོས་གྲུབ་ལས་སུ
iiif viewer powered by OpenSeadragon
