| e-texts navigator |
| Wylie |
156b1 བསྣམས་པའི།། འོ་མ་དང་ནི་ཆུ་རྣམས་དང་།། མེ་ཏོག་རིན་ཆེན་མངར་རྣམས་དང་།། འཇིག་རྟེན་འདི་རུ་གྲགས་པ་རྣམས།། འཁོར་གྱི་ཁྲོ་བོར་བྱིན་བརླབས་ནས།། རང་བྱུང་བདུད་རྩི་སྨན་སྦྱར་ནས།། རྒྱལ་བ་རྒྱ
156b2 མཚོའི་ཐུགས་དམ་བསྐང་།། ཕྱོགས་མཚམས་བརྟན་པར་བཞུགས་ནས་ཀྱང་།། རང་བྱུང་བདུད་རྩིའི་དངོས་གྲུབ་སྩོལ།། ཨོཾ་བཛྲ་ཀྲོ་དྷ་ཧཱུཾ་ཀ་ར་ཧཱུཾ་གརྫ་གརྫ་ཧཱུཾ་ཕཊ། ཨ་མྲྀ་ཏ་ཀུཎྜ་ལི་ཧཱུཾ་ཐ། ས་མ་ཡ་ཏིཥྛ་ལྷན།།
156b3 ཧཱུཾ་ཐུགས་རྗེ་ཆེན་པོའི་ངང་ཉིད་ལས།། ཐུགས་མཆོག་རབ་ཏུ་གསལ་བའི་ཕྱིར།། མ་རིག་མུན་པ་འཇོམས་པའི་འོད།། འཁོར་བའི་བག་ཆགས་བསལ་བའི་ཕྱིར།། དབུས་སུ་བརྟན་པར་བཞུགས་སུ་གསོལ།། ཛྙཱ་ནཱ་དཱི
156b4 པ་ས་མ་ཡ་ཏིཥྛ་ལྷན། ཧཱུཾ་ཐབས་ཀྱི་སྤྱོད་པས་འགྲོ་དོན་དུ།། བྱམས་དང་སྙིང་རྗེས་གང་འདུལ་བ།། སངས་རྒྱས་ཕྲིན་ལས་རྫོགས་མཛད་ནས།། དབང་དང་བྱིན་རླབས་འདིར་རྩོལ་ཅིག། ཨོཾ་བཛྲ་ཀཱི་ལི་ཀཱི་ལ་ཡ་ས་མ
156b5 ཡ་སརྦ་བིགྷྣཱཾ་བཾ་ཧཱུཾ་ཕཊ། སིདྡྷི་སིདྡྷི་ས་མ་ཡ་ཏིཥྛ་ལྷན། ཧཱུཾ་དངོས་གྲུབ་པར་གཅོད་བྱེད་པའི་བགེགས།། གདུག་ཅིང་སྡང་སེམས་ལྡན་པ་རྣམས།། ལྷའམ་འོན་ཏེ་བདུད་ཀྱང་རུང་།། ང་ལ་བར་ཆད་བྱེད
156b6 རྣམས།། མཐུ་དང་རྫུ་འཕྲུལ་མེད་པར་གྱིས།། ལས་རྣམས་ཐམས་ཅད་བསྲུང་བ་ཡི།། ལས་སྔགས་ཐམས་ཅད་ཀུན་བསྡུས་ནས།། བར་དུ་གཅོད་པའི་འབྱུང་པོ་ལ།། གསང་བ་ཡང་དག་མཚམས་སུ་བཤད།། ཕྲིན
iiif viewer powered by OpenSeadragon
