| e-texts navigator |
| Wylie |
155a1 ལ།། སུལ་མེད་སུལ་འགྲེང་མང་བ་དང་།། ཟླ་གམ་རྒྱ་གྲམ་མཚན་དང་ལྔ།། རྡོ་རྗེ་དེ་བཞིན་གཤེགས་པ་དང་།། རིན་ཆེན་པདྨ་ལས་ཀྱི་རིགས།། དེ་བཞིན་མཚན་ལྡན་ཟོད་པ་ལ།། རྣམ་པ་གསུམ་གྱི
155a2 དྲིས་བདུག་ལ།། བྱང་ཆུབ་སེམས་དང་དྲི་ཆེན་དང་།། ཤ་ཆེན་པདྨ་རཀྟ་དང་།། དྲི་ཆུ་ལྔ་སྟེ་རིམ་པ་བཞིན།། སྡེར་ཆགས་ཤ་དང་རྨིག་ཟླུམ་ཁ་བྲག་དང་།། འདབ་ཆགས་རྐང་ལེབ་རྣམ་པ་ལྔ།། ཚྭ་དང་བྲག་བཅུད་ལག
155a3 པ་དང་། རབ་ཏུ་ཅོང་ཟི་རིམ་པ་སྦྱར་བ་ལྔ།། ཕྱི་ནང་གསང་གསུམ་དམ་རྫས་ལྔ།། རིམ་པ་བཞིན་དུ་དགོད་པར་བྱ།། ཕྱི་ནང་གསང་གསུམ་རྩ་བ་བརྒྱད།། མ་ནོར་རིམ་པར་དགོད་པར་བྱ།། མིག་དང་རྡོ་རྗེའི་ཆུ་བ
155a4 དང་།། སྣ་དང་གྲེ་བ་ཡང་དག་ལྡན།། ལྕེ་དང་པདྨ་ཆེན་པོ་དང་།། རྣ་བ་དང་ནི་ཙིཏྟ་རྣམས།། དེ་བཞིན་ནང་གི་རྩ་བར་བཤད།། ལུག་མིག་ཐལ་ཀར་རྡོ་རྗེ་དང་།། སྲི་ཞིང་འདབ་མ་དབང་པོ་ལག། ཁ་འབར་མ་དང་རྒུན
155a5 འབྲུ་དང་།། ཞོ་ཤ་ཀ་ཤོ་ཀ་དྷ་རྣམས།། ཕྱི་ཡི་རིམ་པར་དགོད་པར་བྱ།། ཡང་ན་འདི་ལྟར་བཤད་པར་བྱ།། ཙོང་ཟི་དང་ནི་ལན་ཚྭ་དང་།། ར་མོ་ཤག་དང་རམ་ཉེ་བ།། བྲག་ཞུན་བྲག་རྒྱ་ཧའོ་གཉིས།། བུ་རམ་དང་ནི
155a6 དོམ་མཁྲིས་གཉིས།། གསང་བའི་རིམ་པར་དེ་བཞིན་དགོད།། ཡང་ན་གསང་བ་ཆེན་པོ་ནི།། ཡབ་ཡུམ་བཞི་བཞི་རྣམ་པ་བརྒྱད།། ཡང་དག་ཉིད་དུ་དེ་ཤེས་བྱ།། གཞི་ཡི་རྣམ་ལྔ་མ་འཁྲུལ་ན།། ཇི་ལྟར་བྱེ་ཡང་ངེས
iiif viewer powered by OpenSeadragon
