| e-texts navigator |
| Wylie |
154b1 ཁྲོ་བོ་གྲུབ་པར་མཛོད།། དངོས་གྲུབ་པར་ཆད་བྱེད་པའི་བགེགས།། གདུག་ཅིང་སྡང་སེམས་ལྡན་པ་རྣམས།། གཏོགས་ཤིང་གྲོགས་དང་བྲལ་བར་གྱིས།། སྒོ་ཡི་གཡས་སུ་གདགས་པར་བྱ། ཁྱི་དང་ཕག་གི་སོག་པ
154b2 ལ།། དམ་སྲི་བྲིས་ལ་ལས་རྣམས་བྱ།། སྒོ་ཡི་གཡོན་དུ་གདགས་པར་བྱ།། འཕགས་པ་མཆོད་དང་འབྱུང་པོ་ལ།། དབུལ་ཞིང་དྲེགས་པ་ཀུན་ཀྱང་མཆོད།། རྡོ་རྗེ་ཕུར་པའི་དམ་སྲི་མནན།། གསུམ་པ་ཚོགས་བསག
154b3 སྒྲིབ་སྦྱང་བྱ།། དེ་ནས་ཐིག་ནི་གདབ་པར་བྱ།། ས་ཐིག་གནམ་ཐིག་དེ་བཞིན་སྦྱར།། ཚོན་ཡང་དེ་བཞིན་ཤེས་པར་བྱ།། བྲི་བའི་རིམ་པ་འདི་ལྟ་སྟེ།། གྲུ་གསུམ་ཟླ་གམ་མུ་ཁྱུད་དང་།། འཁོར་ལོ་རྩིབས་བཞི་རྩིབས
154b4 བརྒྱད་དང་།། གྲུ་ཆད་བཞི་དང་ལྷ་རྣམས་དང་།། སྒོ་དང་རྟ་བབས་བཅས་པ་དང་།། བུམ་པ་འཁོར་ལོ་གདུགས་དང་བཅས།། གྲུ་གསུམ་དམར་དང་གནག་དང་བཅས།། གནག་དང་ཡང་ནི་ཐོད་པ་དཀར།། རིགས
154b5 དང་དམར་བ་གནག་པ་དཀར།། སེར་དང་ལྡང་དང་གྲུ་ཆད་དམར།། སེར་ལས་རིགས་དང་མཐུན་པར་བྲི།། རྩིགས་པ་གཞི་མར་ཐོད་པ་དཀར།། གཞི་སེར་ལྷུ་དུམ་དམར་བ་དང་།། ལྡང་ལ་རྒྱུ་ཞགས་དཀར་བ
154b6 དང་།། རིན་ཆེན་ལྔ་ཡང་རྣམ་པར་གཏང་།། རིན་ཆེན་ཕྲེང་བ་དཀར་པོ་གཏང་།། ལྕགས་རི་ནག་པོ་མེ་རི་དམར།། འཁོར་ལོ་དང་ནི་ལྷ་གནས་སུ།། གྲུ་གསུམ་སྟེང་དུ་ཡིག་འབྲུ་བཀོད།། མཚན་དང་ལྡན་པའི་བྷནྡ
iiif viewer powered by OpenSeadragon
