| e-texts navigator |
| Wylie |
154a1 ཡང་དག་གོམས།། ཤེས་བཞིན་ཡིད་འོང་སྟོབས་ལྡན་དང་།། མཐུན་པའི་གཙོ་འཁོར་མཛེས་པར་འགྱུར།། དམ་ཚིག་གཙང་མ་དམ་པ་བསྲུངས།། སྒྲ་ཉུང་དོན་ཆེན་དངོས་གྲུབ་སྣོད།། འཛིན་པས་མ
154a2 བཅིངས་ལྟ་བ་རྟོགས།། བསམ་གཏན་དོན་དང་མི་འབྲལ་བའི།། སྙིང་རྗེའི་སེམས་དང་ལྡན་པ་ཡིས།། འདམ་ཞིང་ཉེས་པ་བསལ་བར་བྱ།། སྟོན་པ་ཆེན་པོའི་བྱིན་རླབས་ལས།། ཐུགས་རྗེ་ནམ་མཁའི་ཆོ་འཕྲུལ
154a3 གྱིས།། ཐམས་ཅད་བདུད་རྩི་ས་ལ་བབ།། འབྱུང་བ་ཆེན་པོའི་བྱིན་རླབས་ལས།། ཐམས་ཅད་བདུད་རྩིའི་རང་བཞིན་ཏེ།། ཕྱི་ནང་རྩ་བ་བརྒྱད་པོ་དང་།། གསང་བ་ཉིད་དུ་དེ་བཞིན་སྦྱར།། བྱང་ཆུབ་སེམས་དང་མཱཾ་ས
154a4 དང་།། དྲི་ཆེན་རཀྟ་དྲི་ཆུ་རྣམས།། སྡེར་ཆགས་ཤ་དང་རྨིག་ཟླུམ་ཤ། ཁ་བྲག་ཤ་དང་འདབ་ཆགས་ཤ། རྐང་ལེབ་ཤ་ཡང་དེ་བཞིན་བཤམས།། ལན་ཚྭ་བྲག་ཞུན་ལག་པ་དང་།། ཅོང་ཞི་རབ་ཏུ་རྣམ་པ་ལྔ།། དེ་བཞིན
154a5 རིམ་ལས་ཡང་དག་སྦྱར།། མཎྜལ་གྲུ་བཞི་འདོམ་གང་ལ།། དམ་རྫས་ལྔ་ཡིས་ཆག་ཆག་གདབ།། ཨོཾ་ཧཱུཾ་བོ་དྷི་ཙིཏྟ་མཎྜལ་ཧཱུཾ།། ཨོཾ་ཀུ་ཀུ་མཎྜ་ལ་ཧཱུཾ། ཨོཾ་མ་ཧཱ་མཱཾ་ས་མཎྜ་ལ་ཧཱུཾ། ཨོཾ་རཀྟ་མཎྜ་ལ་ཧཱུཾ། ཨོཾ་གྷན་དྷ་མཎྜ་ལ་ཧཱུཾ།
154a6 ལུག་དང་སྦྱང་ཀིའི་སོག་པ་ལ།། གཙོ་བོ་ཉིད་དུ་ཡང་དག་བཤད།། སྤྱན་དང་བསྟིམ་ལ་མཆོད་བསྟོད་བྱ།། སོག་པའི་རྒྱབ་ཏུ་སྒོ་སྲུང་བྲི།། ཧཱུཾ་རྡོ་རྗེ་གཞོན་ནུའི་རིག་འཛིན་རྣམས།། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས
iiif viewer powered by OpenSeadragon
