| e-texts navigator |
| Wylie |
151b1 གསུམ་ཕྱག་དྲུག་རྡོ་རྗེའི་གཤོག་པ་ཅན།། འདུལ་བའི་དབང་གིས་མི་མགོ་དགྲ་སྟ་བསྣམས།། གཤིན་རྗེ་འདུལ་བའི་ལྷ་ལ་ཕྱག་འཚལ་བསྟོད།། ལྷོ་ཡི་ཟ་བྱེད་དུར་ཁྲོད་མ།། ཞལ་གཅིག་ཕྱག་གཉིས་ཡབ་ལ་འཁྱུད
151b2 པའི་ཕྱག། འདུལ་བའི་དབང་གིས་གཤིན་རྗེ་མོ་ཡི་གདན་ལ་བཞུགས།། གཤིན་རྗེ་འདུལ་བའི་ཡུམ་ལ་ཕྱག་འཚལ་བསྟོད།། ཤ་བའི་མགོ་ཅན་ཡབ་ཀྱི་སྤྲུལ་པ་སྟེ།། གཤིན་རྗེ་ཕོ་ཡི་འཁོར་གྱི་གདུག་པ
151b3 འདུལ།། འདུལ་བའི་དབང་གིས་ཕྱག་ན་ཕུར་པ་བསྣམས།། སྨྱོས་པར་བྱེད་པ་ཁྱོད་ལ་ཕྱག་འཚལ་བསྟོད།། འུག་པའི་མགོ་ཅན་ཡུམ་གྱི་སྤྲུལ་པ་སྟེ།། གཤིན་རྗེ་མོ་ཡི་འཁོར་ན་གདུག་པ་འདུལ།། འདུལ་བའི་དབང
151b4 གིས་ཕྱག་ན་ཕུར་པ་བསྣམས།། རྟོགས་པ་སྐྱེད་བྱེད་ཁྱོད་ལ་ཕྱག་འཚལ་བསྟོད།། ཧཱུཾ་ལྷོ་ནུབ་ཁྲོ་བོ་མི་གཡོ་མགོན།། དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན།། འདུལ་བའི་དབང་གིས་རལ་གྲི་ཞགས་པ
151b5 བསྣམས།། སྲིན་པོ་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད།། ལྷོ་ནུབ་ཟ་བྱེད་རྡོ་རྗེ་གཏུན་ཁུང་མ།། ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག། འདུལ་བའི་དབང་གིས་སྲིན་མོའི་གདན་ལ
151b6 བཞུགས།། སྲིན་མོ་འདུལ་བའི་ལྷ་ལ་ཕྱག་འཚལ་བསྟོད།། གཟིག་གི་མགོ་ཅན་ཡབ་ཀྱི་ཕོ་ཉ་སྟེ།། སྲིན་པོའི་འཁོར་ན་གདུག་པ་འདུལ།། གདུལ་བའི་དབང་གིས་ཕྱག་ན་ཕུར་པ་བསྣམས།། དྲན་རྟོག་བང་མགྱོགས
iiif viewer powered by OpenSeadragon
