| e-texts navigator |
| Wylie |
148b1 གཉིས་སུ་མེད་པ་སྟེ། ཁམས་གསུམས་གདུག་པ་མ་ལུས་བསྒྲལ་བའི་ཕྱིར།། ཐབས་དང་ཤེས་རབ་ཕྱག་ལ་ཕྱག་འཚལ་བསྟོད།། དུར་ཁྲོད་ཆས་བརྒྱད་སྐུ་ལ་གསོལ་བ་ནི།། རྣམ་ཤེས་ཚོགས་བརྒྱད་རྩད་ནས་གཅོད
148b2 པའི་རྟགས།། གླང་ཆེན་ཀོ་རློན་སྐུ་ལ་གསོལ་བར་བསྟན་པ་ནི།། གཏི་མུག་རྩད་ནས་བཅད་ནས་ཀྱང་།། ཐུགས་རྗེ་ཐབས་དང་ལྡན་པའི་ཕྱིར།། གཏི་མུག་འཇོམས་པའི་རྒྱན་ལ་ཕྱག་འཚལ་བསྟོད།། ཞིང་ཆེན་གཡང
148b3 གཞི་སྐུ་ལ་གསོལ་བར་བསྟན་པ་ནི།། འདོད་ཆགས་རྩད་ནས་གཅོད་པ་དང་།། ཐུགས་རྗེ་ཆགས་པར་ལྡན་པའི་ཕྱིར།། འདོད་ཆགས་འཇོམས་པའི་རྒྱན་ལ་ཕྱག་འཚལ་བསྟོད།། སྟག་གི་ཤམ་ཐབས་སྐུ་ལ་བརྒྱན་པ
148b4 ནི།། ཞེ་སྡང་རྩད་ནས་གཅོད་པ་དང་།། ཐུགས་རྗེ་ཐབས་དང་ལྡན་པའི་ཕྱིར།། ཞེ་སྡང་རྩད་གཅོད་རྒྱན་ལ་ཕྱག་འཚལ་བསྟོད།། ཐོད་པ་རློན་པས་སྐུ་ལ་བརྒྱན་པ་ནི།། ཆོས་ཀྱི་སྐུ་དང་གཉིས་སུ་མེད་པ་དང་།། སྐྱེ་བ
148b5 མེད་པའི་དོན་ནི་གྲུབ་པའི་ཕྱིར།། ཆོས་སྐུ་གཉིས་མེད་རྒྱན་ལ་ཕྱག་འཚལ་བསྟོད།། ཐོད་པ་སྐམ་པོས་སྐུ་ལ་བརྒྱན་པར་བསྟན་པ་ནི།། ལོངས་སྤྱོད་སྐུ་དང་གཉིས་སུ་མེད་པ་དང་།། ཐམས་ཅད་ཀུན་ཏུ་ལོངས་སྐུ
148b6 བསམ་མི་ཁྱབ།། ལོངས་སྤྱོད་རྫོགས་སྐུའི་རྒྱན་ལ་ཕྱག་འཚལ་བསྟོད།། ཐོད་པ་ཚལ་བུས་སྐུ་ལ་བརྒྱན་པར་བསྟན་པ་ནི།། སྤྲུལ་པའི་སྐུ་དང་གཉིས་སུ་མེད་པ་དང་།། སྦྲུལ་སྐུ་འགྲོ་བའི་དོན་དུ་ཅིར་ཡང་སྣང་།། སྤྲུལ
iiif viewer powered by OpenSeadragon
