| e-texts navigator |
| Wylie |
147a1 ལ།། བསྐྱེད་དང་སྤྱན་དྲང་བསྟིམ་མཆོད་བསྟོད།། དབུས་སུ་དགོད་ཅིང་གསལ་བར་བསམ།། མར་མེ་གསོལ་བྱང་རྒྱན་རྣམས་དགོད།། མཆོད་པའི་རྒྱན་ཡང་དེ་བཞིན་ཏེ།། ཏིང་འཛིན་ཆེན་པོའི་བྱིན
147a2 བརླབ་ཀྱིས།། རིམ་པར་བསྒོམ་ཞིང་གཞལ་ཡས་ཁང་།། གྲུ་གསུམ་ཟླ་གམ་མུ་ཁྱུད་ལ།། ཐོད་པ་སྐོམ་རློན་བཏང་བར་བསྒོམ།། ཤར་སྒོར་བུམ་བཞུགས་སྒོ་བའི་ཚུལ།། གཙོ་བོའི་ཞལ་ནི་ཡུམ་ལ་གཟིགས།། སྤྱན
147a3 འདྲེན་བསྟིམ་དང་མཆོད་པ་དང་།། བསྙེན་པ་བསྟོད་དང་མཆོད་པ་དབུལ།། མཚན་མ་བརྟན་པོ་བྱུང་བ་དང་།། ཐོད་པ་བླང་ཞིང་མར་མེ་གསོ།། བར་མ་ཆད་པར་དེ་བཞིན་བྱ།། ལྷ་ལ་བསྟོད་ཅིང་ཐུགས་དམ
147a4 བསྐུལ།། དངོས་གྲུབ་ཆེན་པོའི་ལས་རྣམས་ནི།། གནད་ལ་དབབ་ཅིང་མཆོད་པ་དབུལ།། ལྷ་ལ་བསླང་ཞིང་ལན་གསུམ་བསྟིམས།། རྫས་ལ་བླང་བ་དེ་བཞིན་ཏེ།། རིམ་པ་བཞིན་དུ་རབ་ཤེས་བྱ།། ཐ་མ་ལས་ཀྱི
147a5 མཐའ་རྣམས་རྒྱས།། ཡི་གེ་འཁོར་ལོའི་ས་ནོན་ནས།། འགྲོ་བའི་དོན་རྣམས་དེ་བཞིན་བྱ།། རྣམ་གཉིས་སྐུ་ཡི་འདུལ་ཐབས་བསྟན།། ཧཱུཾ་ཆོས་སྐུ་བདེ་བ་ཆེན་པོའི་ངང་ཉིད་ལས།། ཀུན་ཏུ་བཟང་པོའི་རོལ་པ་ཅིར་ཡང
147a6 སྣང་།། བདུད་དང་སྲིན་པོ་མ་ལུས་འདུལ་བའི་ལྷ།། རྔམ་པ་ཆེན་པོས་སྲིད་གསུམ་འཇོམས་པའི་ལྷ།། བདུད་རྒྱལ་དྲེགས་པ་འདུལ་ཞིང་དབང་དུ་སྡུད།། ཧཱུཾ་དང་ཕཊ་ཀྱི་སྒྲ་འབྱིན་སྟོང་གསུམ་སྒྲོལ།། ཡ་མཚན་རྨད་དུ
iiif viewer powered by OpenSeadragon
