| e-texts navigator |
| Wylie |
146a1 བསྐོང་།། བསམ་པ་འགྲུབ་པའི་དངོས་གྲུབ་སྩལ་དུ་གསོལ།། ཧཱུཾ་ལྷ་དང་གཉིས་སུ་མེད་པར་གང་གསལ་བ།། རེ་བའི་དངོས་གྲུབ་དང་པོ་དེ་བས་ན།། ལྷ་ལ་ལྷ་ཡིས་བྱིན་བརླབ་ནུས་པ་ཅན།། བསྟན་པ
146a2 རྒྱས་པའི་ཕྱིར་ན་སློད་ལགས་ཀྱིས།། ཐོགས་པ་མེད་པའི་དངོས་གྲུབ་སྩལ་དུ་གསོལ།། ཧཱུཾ་དུས་གསུམ་རྒྱལ་བ་ཀུན་གྱི་བྱིན་བརླབ་ལས།། ཞལ་བུ་མཚན་ལྡན་རྡོ་རྗེ་ཀ་པཱ་ལར།། འཆི་མེད་ཚེ་ཡི་གཡུང་དྲུང་ཅི་བསམ
146a3 འགྲུབ།། འདུན་པ་རིགས་ཀྱི་དངོས་གྲུབ་མཛད་མེད་གཏེར།། བདུད་འདུལ་ལྷ་ཉེ་བགེགས་ཞི་རབ་ཏུ་བཟང་།། ཉེ་བ་ཉིད་དུ་བསམ་པ་ད་རེ་རན།། ཡང་དག་ལྡན་པའི་དངོས་གྲུབ་དམ་པ་འདི།། ཅི་བསམ་འགྲུབ་ཅིང
146a4 རེ་བ་སྐོང་བ་དང་།། རིག་འཛིན་ས་ལ་ངེས་པར་ཕྱིན་པ་དང་། ཐོགས་པ་མེད་པར་ཅི་བསམ་འགྲུབ་པ་དང་།། དངོས་གྲུབ་དམ་པ་དེ་ཉིད་སྩལ་དུ་གསོལ།། ཧཱུཾ་ཆོས་དབྱིངས་ནམ་མཁའ་བསམ་མེད་བརྗོད་ལས
146a5 འདས།། ཐམས་ཅད་འབྱུང་ཞིང་རེ་བ་ཐམས་ཅད་སྐོང་།། སྐོང་པ་ཉིད་ན་རྒྱལ་བའི་དབྱིངས་སུ་ཐིམ།། ཆོས་ཉིད་འགྱུར་བ་མེད་པའི་དངོས་གྲུབ་སྩལ་དུ་གསོལ།། ཧཱུཾ་བྱིན་རླབས་ཆེན་པོ་ནམ་མཁའི་སྤྲིན་དང
146a6 འདྲ།། བདུད་དང་སྲིན་པོ་འདུལ་ཕྱིར་རྒྱལ་བའི་རིགས་སུ་བྱུང་།། དབང་བསྐུར་བྱིན་བརླབ་ནུས་པ་བསམ་མི་ཁྱབ།། སྲས་ཀྱི་དམ་པའི་དངོས་གྲུབ་སྩལ་དུ་གསོལ།། ཧཱུཾ་ཐབས་དང་ཤེས་རབ་བདེ་བ་ཆེན་པོའི
iiif viewer powered by OpenSeadragon
