| e-texts navigator |
| Wylie |
145a1 འཁོར་རྒྱན་དུ་དགྲམ་པར་བྱ།། ཧཱུཾ་འཁོར་བ་མ་སྤངས་ལྷུན་གྱིས་གྲུབ།། སྤངས་ན་བྱང་ཆུབ་སེམས་ཉིད་སྤངས།། ཐམས་ཅད་རང་རིག་བྱང་ཆུབ་སེམས།། རྫས་ཀྱང་དེ་བཞིན་རྟོགས་པའི་ངང་།། དཀྱིལ
145a2 འཁོར་རྒྱན་དུ་དགྲམ་པར་བྱ།། ཧཱུཾ་ཐམས་ཅད་ཐིག་ལེ་ཡེ་བརྡལ་ལས།། རེ་དང་དོགས་པའི་སེམས་སྤངས་ལ།། རྟེན་ཡང་ཡེ་བརྡལ་ཀ་པཱ་ལར།། དུར་ཁྲོད་རྫས་སུ་བཞག་ནས་ཀྱང་།། དཀྱིལ་འཁོར་དབུས་སུ་བཞུགས
145a3 སུ་གསོལ།། ཧཱུཾ་ཆོས་དབྱིངས་གསལ་ལ་རྟོག་པ་མེད།། ཉེས་པས་མ་བསྒྲིབས་གསལ་བའི་འོད།། ཏིང་འཛིན་ཆེན་པོའི་བྱིན་བརླབ་ལས།། རང་བཞིན་ལྷུན་གྱིས་གྲུབ་པའི་དབྱིངས།། ཧཱུཾ་ཆོས་དབྱིངས་ནམ་མཁའི་རང
145a4 བཞིན་ལ།། རོལ་པས་འབྱུང་ལྔར་ལྷུན་གྱིས་གྲུབ།། གྲུབ་ཀྱང་རོལ་པ་འཛིན་པ་བྲལ།། རྟེན་དུ་འགྱུར་བས་རྣམ་པར་གསལ།། ཧཱུཾ་དུར་ཁྲོད་ཆེན་པོའི་གཞལ་ཡས་ཁང་།། རང་བྱུང་ཡེ་ཤེས་བཞུགས་གནས་སུ།། མ
145a5 བསྒྲིབས་གསལ་བའི་འོད་པོ་ཆེ།། རིག་པ་རང་ཤར་གཞལ་ཡས་སུ།། ཐིག་ལེ་ཅིར་ཡང་སྣང་བ་ཤར།། ཧཱུཾ་རང་བྱུང་ཡེ་ཤེས་གསལ་བའི་འོད།། རོལ་པ་བསམ་མེད་བརྗོད་ལས་འདས།། ལྷ་ཉིད་གསལ་ལ་གཞི་རྩ
145a6 བྲལ།། བདེ་བ་ཆེན་པོའི་ཀློང་ན་བཞུགས།། ཧཱུཾ་ཆོས་སྐུ་ཉག་གཅིག་གཉིས་སུ་མེད།། ཅིར་ཡང་སྣང་བས་བསམ་མི་ཁྱབ།། གང་དུ་གནས་པའི་དེ་བཞིན་ཉིད།། རང་བྱུང་ཆེན་པོའི་དབྱིངས་ན་གཡོས།། ཧཱུཾ་གསལ་ལ
iiif viewer powered by OpenSeadragon
