| e-texts navigator |
| Wylie |
141b1 དྲུག་རྣམས་ཀྱིས།། རིམ་པ་བཞིན་དུ་ཡང་དག་བཟློག། ཡང་ན་ཁྲོ་བོ་ཆེན་པོ་བཅུས།། ཐམས་ཅད་ཀུན་ཏུ་བཟློག་པར་བྱ།། ཨོཾ་སྐུ་གསུམ་ཡོན་ཏན་རྫོགས་པའི་སྔགས།། ཕར་འཕྲོས་ལྷ་རྣམས་ཐུགས་དམ
141b2 བསྐུལ།། ཚུར་འདུས་ཅི་བསམ་ཚུལ་བཞིན་སྒྲུབ།། ཡེ་ཤེས་ལྷ་ལ་མཆོད་པ་འབུལ།། དམ་ཅན་རྒྱ་མཚོའི་ཐུགས་དམ་བསྐུལ།། བདུད་དང་སྲིན་པོ་རྡུལ་དུ་རློགས། བྱིན་རླབ་ཆེན་པོ་ཆར་ལྟར་འབེབས།། སྔགས་ཀྱི
141b3 འབྲུ་ནི་ལྷ་ཡིན་ཏེ།། སྔགས་ཀྱི་བཟླས་པ་ཡིད་འོང་གནས།། ལྷ་རྣམས་གསལ་ལ་རྟོག་པ་མེད།། ཉོན་མོངས་དྲི་མ་ཀུན་ཀྱང་འཇོམས།། འཁོར་བའི་རྒྱ་མཚོ་གཏིང་ནས་སྐེམས།། དབང་དང་དངོས་གྲུབ་ཚུལ་བཞིན
141b4 སྩོལ།། འབྲུ་དགུ་སྔགས་ཀྱི་བྱིན་བརླབ་ལས།། ལྷ་ལ་བསྟོད་ཅིང་ཐུགས་དམ་བསྐུལ།། རྟོགས་པའི་དོན་གྱི་ཆོས་སྐུ་ཐོབ།། ཉོན་མོངས་རྒྱུད་སྦྱོང་ལོངས་སྐུ་ཐོབ།། ཅིར་ཡང་འདུལ་བ་སྦྲུལ་སྐུ་ཐོབ།། ཐམས་ཅད་ལྷ་ཡི
141b5 ངོ་བོར་གསལ།། ཧཱུཾ་གདུག་པ་འདུལ་བའི་ལྷ་ནི་ཅིར་ཡང་སྟོན།། རྔམ་པ་ཆེན་པོས་ཐམས་ཅད་འདུལ་བའི་ལྷ། ཁམས་གསུམ་དབང་སྡུད་བདུད་ཀྱི་རྒྱལ་པོ་འཇོམས།། རྡོ་རྗེ་གཞོན་ནུའི་སྐུ་ལ་ཕྱག་འཚལ་བསྟོད།། ཧཱུཾ
141b6 ཡབ་ལ་དགྱེས་ཤིང་རྒྱལ་བའི་ཐུགས་དམ་སྐོངས།། ཐབས་དང་ཤེས་རབ་གཉིས་སུ་མེད་པའི་ཡུམ།། ཉོན་མོངས་ཆགས་པ་རབ་ཏུ་སྦྱོང་མཛད་པ།། འཁོར་ལོ་རྒྱས་འདེབས་སྐུ་ལ་ཕྱག་འཚལ་བསྟོད།། ཧཱུཾ་ཚངས་པ
iiif viewer powered by OpenSeadragon
