| e-texts navigator |
| Wylie |
134b1 གསང་བ་དང་།། སྣ་མིག་དཔྲལ་བ་དཔུང་པ་དང་།། ལྟེ་བ་སྙིང་དཔྱི་རྐང་པ་དག། ཁྲོ་བོ་ཡབ་ཡུམ་སྲས་བཅས་རྫས།། མཆོད་པ་དམ་པ་བཞེས་སུ་གསོལ།། གློ་བ་མཆེར་པ་མཆིན་པ་དང་།། མཁལ་མ་ལ་སོགས་དོན
134b2 སྙིང་ནི།། གདུག་བྱེད་སྲས་མཆོག་དྲུག་གི་རྫས།། མཆོད་པ་དམ་པ་བཞེས་སུ་གསོལ།། མི་དབང་འབྲས་བུ་ཤ་དག་དང་།། སྲོག་རྩ་ཁྲག་གི་སྦུབས་དག་དང་།། བདེ་བ་ཆེན་པོའི་ཀླད་པ་འདི།། འཁོར་གྱི་མཁའ་འགྲོ
134b3 གདུག་པའི་རྫས།། མཆོད་པ་དམ་པ་བཞེས་སུ་གསོལ།། སོ་སོའི་རྫས་རྣམས་སོ་སོར་བསྐོས།། ཐོད་པ་དབང་དང་དྲག་པོ་ལ།། གདན་དང་སྙིང་པོར་བཅས་པ་ཀུན།། བྲི་ཞིང་རབ་གནས་བྱ་བ་དང་།། ཕྱིན་ཆད་བསྒྲུབ
134b4 པའི་རྫས་བྱའི་ཕྱིར།། ཤུན་དང་རྒྱུ་ཞགས་བཅས་པ་དག། བསྒྲུབ་པའི་རྫས་ཡིན་རབ་ཏུ་སྦ།། དེ་ཕྱིར་སྒྲུབ་པའི་རྫས་ལ་བརྟེན།། དེ་ནི་རྫས་ཀྱི་དམ་པའོ།། ངན་པའི་རྫས་ལ་སྤྱད་པ་དང་།། བརྟེན་པའི་རྫས་སུ་མེད་པ
134b5 ནི།། དངོས་གྲུབ་མེད་པ་ཕུར་པའི་རྫས།། དུར་ཁྲོད་མི་རོ་མང་པོ་དང་།། དམར་དང་གནག་པའི་རི་དྭགས་དང་།། བྲག་དང་དམར་ནག་སྤང་བྲག་དབྱིབས།། ཤིང་རྩེ་དམར་ནག་སྐྱེས་པའམ།། གྲུ་གསུམ་ཟླ་གམ་སྒོ
134b6 ཡོད་པ།། ཕུག་ཀྱང་དེ་འདྲར་གནས་པ་ལ།། བར་སྣང་གྲུ་གསུམ་ཟླ་གམ་དབྱིབས།། ས་ཡང་དེ་བཞིན་ཤེས་པར་བྱ།། མདུན་དུ་ཆུ་འབབ་སྐྱོབས་པའི་རི།། དངོས་གྲུབ་འབྱུང་དང་རིན་ཆེན་དབང་།། འབྱུང་པོ་མ་མོ
iiif viewer powered by OpenSeadragon
