| e-texts navigator |
| Wylie |
134a1 སོར་བརྒྱད་ནི།། སྟོབས་ཆེན་སྔགས་ཀྱིས་བྱིན་བརླབ་ལ།། ཁྲོ་བོ་བཅུ་ཡི་སྔགས་ཀྱིས་བཏབ།། སར་གདབ་སྟངས་སྟབས་དྲག་པོ་བྱ།། སྟོབས་ཀྱི་ཏིང་འཛིན་ཆེན་པོ་ཡིས།། ཁུར་ཏེ་དངོས་གྲུབ་ཐོབ
134a2 བསམ་ནས།། རེ་དང་དོགས་པའི་སེམས་མི་བཅའ།། དུར་ཁྲོད་གནས་སུ་སླེབ་པ་དང་།། ཤར་གྱི་ཕྱོགས་སུ་བཞག་ནས་ནི།། ཏིང་འཛིན་གཞལ་ཡས་ལྷ་བསྐྱེད་ལ།། དག་པའི་ཁྲུས་ཀྱིས་བཀྲུས་བྱས་ནས།། སྟངས
134a3 སྟབས་རིམ་པར་སྔགས་ཀྱིས་བྱ།། ལྷ་ལ་བསྟབ་ཅིང་གསོལ་བར་བསམ།། ཐིག་ནི་ལྔ་པ་ལྔ་བཏབ་སྟེ།། སྙིང་ནས་ཡན་ལག་བཞི་རྣམས་དང་།། མགོ་དང་ལྔ་རུ་རྣམ་པར་བཏང་།། རྫས་རྣམས་ལེགས་པར་སྤྲོས་པ
134a4 སྟེ།། སྙིང་ལ་དུམ་བུ་ལྔ་རུ་བྱ།། སྤྱི་བོ་གསང་བའི་མིག་དང་སྣ།། དཔྲལ་བ་དཔུང་པ་ལྟེ་བ་སྙིང་།། དབྱི་དང་རྐང་པ་རིམ་བཞིན་དུ།། ཡན་ལག་བཞི་དང་སྙིང་དང་མགོ།། གློ་བ་མཆིན་པ་མཚེར་པ་དང་།། མཁལ་མ
134a5 རིམ་པ་བཞིན་དུ་དགོད།། དམ་རྫས་ཀུན་ལ་བྱས་པའམ།། ཤ་སྣ་ཀུན་ལ་རྫས་བགོས་ལ།། མཁའ་འགྲོ་ཀུན་ལ་ཡང་དག་དགྲམ།། ཐོད་པ་རངས་པ་ལྔ་དག་དང་།། ཚོམ་བུ་ལྷ་ཡི་གྲངས་དང་མཉམ།། མ་འདྲེས་སོ།
134a6 སོའི་སྣོད་དུ་གཞག། སྤྱན་དྲངས་སྐོས་ལ་བྱོན་པ་དང་།། སྐོས་གདབ་རིམ་པ་འདི་ལྟ་སྟེ།། དྲན་བྱེད་སྙིང་གི་དམ་རྫས་ནི།། སྲས་མཆོག་ལྔ་ཡི་སྐོས་ཡིན་པས།། མཆོད་པ་དམ་པ་བཞེས་སུ་གསོལ།། སྤྱི་བོའི་ཤ་དང
iiif viewer powered by OpenSeadragon
