| e-texts navigator |
| Wylie |
131b1 བཞིན།། རྟོགས་པས་ངེས་པའི་འབྲས་བུ་ཤར།། དོན་དམ་བཅུད་ཀྱི་འབྲས་བུར་རྒྱས།། འཛིན་པ་གྲོལ་བའི་ལྟ་བ་རྟོགས།། ལྷ་ཉིད་རོལ་པ་ཕྱོགས་མེད་ཤར།། གཞི་ལ་སྣང་གཞི་ལྷུན་གྱིས་གྲུབ།། རང་རང་འཛིན་པ
131b2 རང་རྒྱུད་ཡིན།། ཀུན་ཀྱང་བདེ་གཤེགས་སྙིང་པོར་རྟོགས།། བདེ་བར་གཤེགས་པའི་སྙིང་པོ་འདིས།། ཀུན་ལ་ཁྱབ་ཅིང་ཕྱོགས་དང་བྲལ།། ཕྱོགས་བྲལ་སྐྱེས་བུ་ཆེན་པོ་དེས།། སྤང་མེད་བསྒྲུབ་མེད་འཛིན་དང
131b3 བྲལ།། བྲལ་བ་མེད་པ་ཀུན་ཏུ་ཤར།། ཤར་བ་ཉིད་ན་ནུབ་པ་མེད།། ཤར་ནུབ་མེད་པའི་སྙིང་པོ་འདི།། ཀུན་ཏུ་བཟང་པོའི་བྱིན་རླབས་ཡིན།། ཆོས་ཉིད་ཕུར་པའི་ངེས་དོན་གནས།། ཡོད་དམ་མེད་པའི་ཚིག་ལས
131b4 འདས།། ཡང་དག་ཉིད་ལས་ཡང་དག་འབྱུང་།། ཐམས་ཅད་བདུད་རྩིར་ཆེན་པོར་འགྱུར།། གནན་དང་འཕང་དང་གསད་པ་དང་།། སྲེག་པའི་མཆོག་དང་དབྱེ་བ་དང་།། བསམ་གྱིས་མི་ཁྱབ་སྣ་ཚོགས་འབྱུང་།། ཇི
131b5 ལྟར་འདུལ་བའི་དོན་རྣམས་འབྱུང་།། ཟད་པ་མེད་པའི་གཏེར་ཉིད་འབྱུང་།། སྟོངས་པ་མེད་པའི་ཆུ་རྒྱུན་འབྱུང་།། ཟད་པ་མེད་ཅིང་འཕེལ་བ་མེད།། ལྷ་དང་གཉིས་སུ་མེད་པ་ལ།། གཟུང་འཛིན་ཅན་གྱི་ལྷ་མི
131b6 བསྒོམ།། བསྒོམ་ན་འཛིན་པ་ཉིད་དུ་འགྱུར།། ལྷ་དང་གཉིས་སུ་མེད་པའི་ཕྱིར།། ཆེ་བའི་ལྷ་མཆོག་གསལ་བའི་འོད།། སྐུ་ལྔ་དབང་བསྒྱུར་ཐུགས་ལ་དབང་།། གསུང་ལྔ་ཉིད་ལ་རྣམ་པར་གསལ།། དམ་པ་སྐུ་ཉིད་ཀུན
iiif viewer powered by OpenSeadragon
