| e-texts navigator |
| Wylie |
130b1 འགོད།། སྙིགས་མ་ལྔ་ཉིད་ཐར་པའི་ལམ།། ཡེ་ཤེས་ཉི་མ་གཅིག་ཤར་བས།། སྟོང་གསུམ་ཐམས་ཅད་འཁྱགས་པ་ཞུ།། དྲོ་བ་ཉིད་ནས་ཐམས་ཅད་དྲོ།། དེ་ཉིད་ཡང་དག་བསྟན་པའི་མཆོག། བསྒྲལ་བའི་རིམ་པ་འདི
130b2 ལྟ་སྟེ།། སྟོང་གསུམ་ལོག་ལྟ་རང་རྒྱུད་བསྒྲལ།། ཞེ་སྡང་དམྱལ་ཆགས་མེ་ལྟར་འབར།། ལོག་པའི་ལྟ་བ་མུན་ལྟར་ཚུབས།། ལོག་པའི་ང་རྒྱལ་སེར་ལྟར་མཁྲེགས།། ཕྲག་དོག་ཟུར་རྣོ་ལོག་པའི་ཚོགས།། རང་རྒྱུད
130b3 འདོད་ཆགས་སྦྱིན་ལྟར་འཛིན།། ཡོད་མེད་དངོས་པོར་རང་རྒྱུད་འཛིན།། ང་རོ་འདོན་ཅིང་དོན་མ་རྟོགས།། དོན་མེད་ཚིག་ལ་མོད་པ་དང་།། རྫས་དང་ལག་ཆ་མངོན་པར་སྟོན།། ཧཱུཾ་དང་བྷྱོ་ཡི་སྣ་འདྲེན་ཅིང་།། འདི
130b4 རྣམས་བསད་བཅད་ཐོགས་མེད་ང་ལ་ཡོད།། ཤིན་ཏུ་ང་རྒྱལ་ཉོན་མོངས་གནས།། འདི་རྣམས་བསྒྲལ་བའི་རིམ་པ་ཡིན།། རི་རབ་སྙིགས་མ་ལྔ་བརྒྱར་གནས།། དོན་མ་རྟོགས་པར་སངས་རྒྱས་འདོད།། མེད་པར
130b5 བཟུང་བས་སྣང་མི་སྲིད།། སྣང་བས་སྟོང་པའི་དོན་མཚོན་པའི།། སྣང་བ་ཅན་དུ་གང་ལ་འགྱུར།། གཉིས་མེད་འཛིན་པ་རང་རྒྱུད་ལས།། སྣ་ཚོགས་ངོ་བོ་ག་ལ་འབྱུང་།། ལྟ་བས་བཟུང་བའི་ཆོས་ཉིད་ནི།། གཟུང་བས
130b6 ཆོས་ཉིད་ཕྱོགས་ཅན་ཏེ།། འཛིན་མེད་སེམས་དང་མཐུན་མི་སྲིད།། སྒོམ་པ་བསྒོམ་དུ་ཡོད་ལ་ནི།། སྒོམ་མེད་དོན་དང་མཐུན་མི་འགྱུར།། སྒོམ་པ་བསྒོམ་དུ་མེད་པར་ནི།། ཅིར་ཡང་མེད་པའི་རང་བཞིན་ཏེ།། སྒོམ
iiif viewer powered by OpenSeadragon
