| e-texts navigator |
| Wylie |
130a1 མཚར་ཆེ།། སེམས་ཉིད་ཀུན་ཏུ་བཟང་པོ་ལ།། ཐམས་ཅད་འབྱུང་ཞིང་རྣམ་པར་འདུ།། རྡོ་རྗེ་ཕུར་པ་མང་ཤར་ཞིང་།། གདུག་པ་འདུལ་ཞིང་ལས་རྣམས་མྱུར།། བསྟན་པ་རྒྱས་ཤིང་འགྲོ་བ་འདྲེན།། དོན་དུ
130a2 འབྱུང་ཞིང་ཚིག་ཏུ་རྒྱས།། སྔགས་རྣམས་ཐམས་ཅད་སྟོན་པར་བྱེད།། དོན་གྱི་བཅུད་ཕྱུང་སྙིང་པོ་ཡིན།། འཁོར་བའི་ལས་ངན་སྟེང་ནས་སྐེམས།། དབང་བསྒྱུར་རྒྱལ་བའི་ཏིང་འཛིན་ལས།། གསད་དང་གཅད་དང
130a3 དབབ་པ་དང་།། གསོ་དང་སྲུང་དང་བསྒྲུབ་པ་དང་།། འཁོར་བ་ཉིད་ཀྱང་བདེ་བར་གཤེགས།། ཆོས་ཉིད་ཕུར་པའི་དོན་རྟོགས་ན།། སྙིང་པོའི་དོན་ལས་འདའ་མི་སྲིད།། འཁོར་བ་ཀུན་ཀྱང་མྱ་ངན་འདས།། དོན་གྱི
130a4 སྙིང་པོ་ཁམས་གསུམ་ཁྲུས།། ཞེས་ཉིད་ལས་མི་གཞན་པ་ཉིད་དུ་གསུངས་སོ།། རྡོ་རྗེ་ཕུར་པ་ཆེན་པོས་བཤད་པའི་རྒྱུད་ལས། ཆོས་ཐམས་ཅད་འབྱུང་བར་གླེང་བསླང་བའི་ལེའུ་སྟེ་གཉིས་པའོ།། །། དེ་ནས
130a5 བཅོམ་ལྡན་འདས་གདུག་པ་ཐམས་ཅད་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། མ་རྟོགས་གོལ་བའི་སེམས་ཅན་ལ།། དུས་གསུམ་རྒྱལ་བའི་བྱིན་རླབས་ཀྱིས།། ཐུགས་རྗེའི་ཕུར་པས་གདུག་པ
130a6 འདུལ།། སྲས་ཀྱི་དམ་པར་དབང་བསྐུར་ནས།། སྲིན་པོ་གདུག་པ་མ་ལུས་འདུལ།། ཞིང་བཅུ་སྟེང་ནས་སྟོང་པར་བྱེད།། ཁམས་གསུམ་ཐམས་ཅད་བསྒྲལ་བའི་ཕྱིར།། སྟོང་གསུམ་ཐམས་ཅད་གནད་ལ
iiif viewer powered by OpenSeadragon
